27 اگست 2010
طائف (مانیٹرنگ ڈیسک )سعودی عرب میں مکہ مکرمہ سے 80کلو میٹر دورواقع طائف شہر میں خواتین کے لیے ملک کا سب سے بڑا شاپنگ سینٹربنایاگیا ہے جہاں تمام تر تجارتی اور لین دین کے امور خواتین انجام دیتی ہیں اور مردوں کا داخلہ سختی سے منع ہے۔خواتین کی طرف سے شاپنگ سینٹر کی زیادہ پذیرائی کی جارہی ہے ۔ طائف کی مجموعی آبادی کا 95 فیصد حصہ عرب قبائل پر مشتمل ہے جو خواتین کے پردے پر سختی سے عمل درآمد کرتے ہیں۔ ان کیلئے یہ شاپنگ سینٹر زیادہ اہمیت کا حامل سمجھاجاتاہے۔شاپنگ مال کے ڈائریکٹر مجدی العتیبی کا کہنا ہے کہ ”طائف میں خواتین کے لیے مخصوص شاپنگ مال کے نظریے کو بڑے پیمانے پر عومی پذیرائی حاصل ہوئی ہے۔ صرف خریداروں کی جانب سے ہی نہیں بلکہ خواتین تاجروں کی طرف سے بھی اس میں دلچسپی ظاہر کی جا رہی ہے اس شاپنگ سینٹر کا مقصد بیواﺅں، مطلقہ اور ضرورت مند خواتین کے لیے کم خرچ پر تجارت کے مواقع فراہم کرنا ہے۔یہاں پانچ سے سات ہزار سعوی ریال سالانہ کرائے پر دکان حاصل کی جا سکتی ہے“۔ العتیبی نے بتایاکہ شاپنگ مال کی تیاری میں چار کروڑ سعوی ریال سے زیادہ کی لاگت آئی ہے۔

__________________
جاویداسد