سعودی عرب میں درجنوں شدت پسند گرفتار
وقت اشاعت: بدھ 24 مارچ 2010 / * 16:52 GMT
PST 21:52
سعودی عرب کی وزارتِ داخلہ نے کہا ہے کہ سکیورٹی فورسز نے القاعدہ کے سو سے زیادہ شدت پسندوں کو گرفتار کیا ہے۔
شدت پسند تیل کی تنصیبات کو نشانہ بنانے کی منصوبہ بندی کر رہے تھے
وزارتِ داخلہ کے ترجمان کے مطابق گرفتار ہونے والوں میں 47 سعودی باشندے جبکہ 51 غیر ملکی ہیں جو تین آزاد گروہوں میں تیل کی تنصیبات اور سکیورٹی فورسز کو نشانہ بنانے کی منصوبہ بندی کر رہے تھے۔
ترجمان منصور الترکی نے کہا کہ گروہ کے یمن میں موجود القاعدہ سے منسلک گروہوں سے تعلقات ہیں۔
انہوں نے کہا کہ شدت پسندوں کے قبضے سے اسلحہ، کیمرے، کمپیوٹرز اور دوسری دستاویز برآمد ہوئی ہیں۔
دو ہزار تین میں بھی سعودی عرب کے دارالحکومت ریاض میں شدت پسندوں نے حملے کیے تھے
انہوں نے کہا کہ ’نیٹ ورک‘ اور آزادانہ طور پر کام کرنے والے دو گروہ کو پکڑا کیا گیا ہے۔
جن غیر ملکیوں کو گرفتار کیا گیا ہے ان کا تعلق یمن، ایریٹیریا، صومالیہ اور بنگلہ دیش سے بتایا جاتا ہے۔
ابھی تک یہ معلومات سامنے نہیں آئیں کہ یہ گروہ کن تنصیبات کو نشانہ بنانے والے تھے اور کیا وہ تنصیبات غیر ملکیوں کی یا سعودی عرب کی ملکیت تھیں۔
سنہ 2003 میں القاعدہ سے مشتبہ تعلق رکھنے والے خود کش بمباروں نے سعودی عرب کے دارالحکومت ریاض میں حملہ کیا تھا اور پینتیس سے زیادہ افراد کو ہلاک کر دیا تھا۔ ہلاک ہونے والوں غیر ملکی بھی شامل تھے۔
بحوالہ 
26-03-10, 12:53 AM
26-03-10, 12:53 AM
Linear Mode
Similar Threads
