ریاض ....... ریاض سمیت سعودی عرب کے شمالی علاقہ جات میں ریکارڈ سردی کے باعث جدہ، مکہ مکرمہ ،تبوک اور مدینہ منورہ میں سردی کی شدت میں اضافہ ہو گیا ہے ۔سعودی عرب کے ماہر موسمیات کے مطابق اس سال ریاض سمیت شمالی علاقوں میں ریکارڈ توڑ سردی پڑنے کا امکان ہے۔ اور اس ہفتے کے آخر تک مختلف مقامات پر بارش کی بھی توقع ہے ۔گذشتہ35 برسوں کے دوران یہ سردی کی شدید لہر ہے۔ جدہ ، مکہ مکرمہ، مدینہ منورہ ، تبوک اورگردو نواح میں گذشتہ رات سے چلنے والی سر دہواؤں کے باعث سردی کی شدت میں اضافہ ہو گیا ہے ۔سردی سے بچاؤ کے لیے لوگوں نے ہیٹر اور گرم کپڑوں کا استعمال شروع کر دیا ہے ۔