22 نومبر 2010
جدہ( نیٹ نیوز)سعودی عرب کے شاہ عبداللہ علاج کے لئے امریکہ چلے گئے اور ولی عہد شہزادہ سلطان بیرون ملک سے دنیا میں تیل کے سب سے بڑے سپلائر ملک پر حکمرانی کے لئے واپس سعودی عرب پہنچ گئے ہیں۔ سعودی عرب ، امریکہ اور دنیا کے دوسرے ملکوں کو یہ باور کرانے کا مشاق دکھائی دیتا ہے کہ معمر حکمران کے صحت کے مسئلہ کے باوجود ملک میں اقتدار کا خلاءموجود نہیں۔ یہ دوسری بات ہے کہ اختیار کا حامل شخص قدامت پرست ہے یا اصلاح کار۔ شاہ عبداللہ چھیاسی یا ستاسی سال کے پیٹے ہیں۔ انہوں نے ولی عہد شہزادہ سلطان کو ٹیلی فون کر کے مراکش سے ملک کا قتدار سنبھالنے کے لئے بلایا تھا۔ معالجین کے مطابق شاہ عبداللہ کی ریڑھ کی ہڈی میں خون کالوتھڑا جمع ہو گیا تھا ۔ شاہ عبداللہ اور سلطان دونوں اس کے بیٹے ہیں۔ قیاس کیاجا رہا ہے کہ قدامت پسند وزیر داخلہ شہزادہ نائف جو چھہتر برس کے ہیں مستقل امور مملکت سنبھالیں گے۔ پرنس سلطان جو وزیر دفاع بھی ہیں ،مراکش میں آرام کر رہے تھے۔ انہیں بھی صحت کے مسائل درپیش ہیں ۔ عبداللہ کے اپنے سوتیلے بھائی نائب کو دوئم نائب وزیر اعظم 2009ءمیں مقرر کیا تھا ۔ شہزادہ نائب سماجی طور پر روایت پسند اور مذہبی ہیں ۔ وہ طویل عرصہ تک اس سے انکار کر تے رہے کہ نائن الیون کے حملوں میں سعودی شہری ملوث تھے یا القاعدہ کا اس سے کوئی تعلق تھا ۔ اس طرح وہ یہ باور کرواناچاہتے تھے کہ ان حملوں کے ذمہ دار لوگ اسرائیل کے حامی تھے۔ شہزادہ نائب کا سعودی شاہی خاندان پر اثر انداز سخت گیر اور طاقتور مذہبی رہنماﺅں سے قریبی رابطہ ہے جو مذہبی انتہاءپسندی کو فروغ دینے کے حامی ہیں۔

__________________
جاویداسد