سندھ میں پرانا بلدیاتی، کمشنری اور پولیس نظام بحال، تمام شہری، ضلعی اور مقامی حکومتیں ختم

**گلاب خان** · 10-07-11, 02:38 AM

کراچی (نمائندہ جنگ) متحدہ قومی موومنٹ کی حکومت سے علیحدگی کے بعد سندھ میں بیک جنبش قلم پرانا بلدیاتی نظام، پرانا پولیس کا نظام اور کمشنری نظام بحال کردیئے گئے ہیں۔ اس ضمن میں ہفتہ کو قائم مقام گورنر سندھ نثار احمد کھوڑو نے تین مختلف آرڈی ننسز پر دستخط کردیئے جس کے تحت کمشنری نظام، سندھ لوکل گورنمنٹ آرڈیننس 1979ءاور پولیس ایکٹ 1861ءبحال ہوگئے ہیں۔ گورنر ہاﺅس سے جاری کردہ پریس ریلیز میں کہا گیا ہے کہ قائم مقام گورنر نے پولیس آرڈر 2002ءکو منسوخ کرکے پولیس ایکٹ 1861ءبحال کرنے کے آرڈیننس پر دستخط کئے جس کے بعد پولیس میں آپریشن اور انویسٹی گیشن کو علیحدہ شعبوں میں تقسیم کرنے کا نظام بھی ختم ہو جائےگا۔ پریس ریلیز کے مطابق قائم مقام گورنر نثار احمد کھوڑو نے سندھ لوکل گورنمنٹ آرڈیننس 1979ءبحال کرنے کی بھی منظوری دی جس کے تحت ماضی میں کئی بلدیاتی انتخابات بھی ہوئے۔ قائم مقام گورنر نثار احمد کھوڑو نے کمشنری نظام بحال کرنے کے قانون کی بھی منظوری دی جس کی عدم موجودگی میں تمام انتظامی امور اور عوام کو سہولتیں پہنچانے اور ان کی شنوائی میں بے پناہ دشواریاں اور رکاوٹیں تھیں۔ قائم مقام گورنر نے اس سلسلے میں لینڈ ریونیو ایکٹ 1967ءمیں ترمیم کے آرڈیننس کی منظوری دی جس کے بعد صوبے بھر میں کمشنری نظام بحال ہوگیا ہے۔واضح رہے کہ قائم مقام گورنر سندھ نے ہفتہ کو جو تین آرڈیننس جاری کئے، اُن میں ایک آرڈیننس ”منسوخی سندھ لوکل گورنمنٹ آرڈیننس 2001ءاور بحالی سندھ لوکل گورنمنٹ آرڈیننس 1979ءآرڈیننس 2011ءکہلائے گا۔ اس کے تحت جنرل پرویز مشرف کا مقامی حکومتوں کا نظام مکمل طور پر ختم ہوگیا ہے اور پرانا بلدیاتی نظام بحال ہوگیا ہے۔ شہری اور ضلعی اور دیگر مقامی حکومتیں اس آرڈیننس کے ذریعہ ازخود ختم ہو جائیں گی۔ میونسل کارپوریشنز، ڈسٹرکٹ میونسپل کمیٹیاں، ٹاﺅن کمیٹیاں اور پرانی یونین کونسلیں بحال ہو جائیں گی۔ دوسرے آرڈیننس کے تحت پولیس آرڈر 2002ءمنسوخ کر کے سندھ پولیس ایکٹ 2011ءبحال کر دیا گیا ہے۔ اس آرڈیننس کے اجراءکے بعد پولیس کا پرانا نظام ازخود مو¿ثر ہو جائےگا۔ تیسرا آرڈیننس ”سندھ لینڈ ریونیو (ترمیمی) آرڈیننس 2011ءکہلائے گا۔ اسکے تحت صوبہ سندھ انتظامی طور پر ڈویژنز پر مشتمل ہو گا۔ ہر ڈویژن اضلاع پر مشتمل ہوگا اور ہر ضلع سب ڈویژن پر مشتمل ہوگا۔ ڈویژن کا انتظامی سربراہ کمشنر، ضلع کا انتظامی سربراہ ڈپٹی کمشنر (ڈی سی) /کلیکٹر اور سب ڈویژن کا انتظامی سربراہ اسسٹنٹ کلیکٹر (اے سی) ہوگا۔ ایگزیکٹو ڈسٹرکٹ آفیسر (ای ڈی او) (ریونیو) کا عہدہ ختم ہو جائے گا۔ اب اس کی جگہ کمشنر ہوگا۔ ڈسٹرکٹ آفیسر (ریونیو) کا عہدہ ختم کر کے اسکی جگہ کلیکٹر / ڈی سی کا تقر کیا جائےگا جبکہ اسسٹنٹ ڈسٹرکٹ آفیسر (ریونیو) کا عہدہ ختم کر کے اسکی جگہ اسسٹنٹ کلیکٹر تعینات کیا جائےگا۔ سندھ لوکل گورنمنٹ آرڈیننس 2001ءختم ہونے اور 1979ءکا بلدیاتی نظام بحال ہونے کے بعد سٹی ڈسٹرکٹ گورنمنٹ، کراچی سمیت صوبہ بھر میں ضلعی حکومتیں، تعلقہ / ٹاﺅنز میونسپل ایڈمنسٹریشن اور یونین کونسلیں ختم ہوگئیں اور کراچی میٹروپولیٹن کارپوریشن ( کے ایم سی )، پانچوں ڈسٹرکٹ میونسپل کارپوریشنز اور کراچی ڈویلپمنٹ اتھارٹی دوبارہ الگ حیثیت میں بحال ہو جائینگی، سندھ گورنمنٹ ذرائع کے مطابق اس سلسلے میں باقاعدہ الگ سے انتظامی حکم نامہ جاری کیا جائےگا، حیدرآباد ضلع بھی دوبارہ پرانی حیثیت میں بحال ہو جائےگا۔

روزنامہ جنگ راولپنڈی

**راجہ اکرام** · 10-07-11, 12:55 PM

اب دیکھیے متحدہ قومی موومنٹ کس وسیع تر قومی مفاد میں کیا کرتی ہے

10-07-11, 12:55 PM	#2
راجہ اکرام ناظم اعلی تاریخ شمولیت: Jan 2009 مقام: ڈیرا درویشاں دا مراسلات: 21,576 کمائي: 315,221 شکریہ: 25,210 16,393 مراسلہ میں 41,640 بارشکریہ ادا کیا گیا	اب دیکھیے متحدہ قومی موومنٹ کس وسیع تر قومی مفاد میں کیا کرتی ہے Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
فوزیہ وہاب کو فوری طور پر سکیورٹی فراہم کردی گئی، رہائشگاہ پر پولیس تعینات	گلاب خان	خبریں	3	04-03-11 06:32 AM
پولیس تفتیش ٹھیک نہیں کرتی، عدالتوں پر دہشتگرد رہا کرنے کا الزام لگا دیا جاتا ہے، چیف جسٹس	گلاب خان	خبریں	0	24-12-10 03:06 AM
عدالتیں نہ ہوتی تو پولیس عوام کو تباہ کرکے رکھ دیتی	ALI-OAD	خبریں	3	04-12-10 08:18 PM
کراچی، پولیس کا محاصرہ، خودکش حملہ آوروں نے خود کو اڑادیا	ابن جلال	خبریں	0	26-09-08 02:56 PM
ملتان: پولیس نے تشدد پر وکلا سے معافی مانگ لی، مقدمات واپس لینے کی یقین دہانی	عبدالقدوس	خبریں	0	08-12-07 11:22 AM

Currently Active Users Viewing This Thread: 1 (0 members and 1 guests)