2010 : اکتوبر-23
کراچی(مانیٹرنگ ڈیسک)سوئی سدرن گیس کمپنی نے کراچی کی صنعتوں سے رضا کارانہ طور پر گیس کا استعمال 20 فیصد کم کرنے کی اپیل کی ہے۔ یہ اپیل انہوں نے زمزمہ گیس فیلڈ کی مرمت کے باعث گیس کی بندش کی وجہ سے کی ہے۔ سوئی سدرن گیس کمپنی کا کہنا ہے کہ 27 اکتوبر سے چار نومبر تک زمزمہ گیس فیلڈ سالانہ مرمت کے باعث بند رہے گی جس کی وجہ سے یومیہ 204 ملین کیوبک فٹ گیس فراہم نہیں کی جا سکے گی۔ کمپنی کا کہنا ہے کہ اس دوران کمرشل اور گھریلو صارفین کو گیس کی فراہمی معطل نہیں کی جائے گی جبکہ صنعتوں کو بھی مرمت کے بعد گیس کی مکمل فراہمی بحال کر دی جائے گی۔

__________________
جاویداسد