|
سوات، خوراک اور ادویات کی شدید قلت کے باعث 10 بچوں سمیت 13 افراد جاں بحق
27-08-10, 03:15 AM
امداد میں مزید تاخیر سے بڑا انسانی المیہ رونما ہونے کا خدشہ، علاقے میں قحط کا سماں ہے، لوگ ابلے ہوئے شلغم کھانے پر مجبور ہیں
سوات (بیورو رپورٹ) سوات کی وادی گجر گبرال اورمانکیال کے مضافات میں غذائی اور ادویات کی قلت کے باعث 10 بچوں سمیت 13 افراد جاں بحق جبکہ درجنوں متاثر ہوئے ہیں۔ ان خیالات کا اظہار مانکیال کے رہائشی ملک ہارون خان نے تین روز پیدل سفر کر کے مینگورہ پہنچ کر میڈیا سے گفتگو کرتے ہوئے کیا۔ انہوں نے کہا کہ سوات میں حالیہ شدید سیلاب کے دوران تحصیل بحرین کے علاقہ مانکیال اورمضافات میں بھی بڑے پیمانے پر تباہی ہوئی ہے اور 100 سے زیادہ مکانات سیلابی ریلے سے تباہ ہو چکے ہیں اسی طرح 50 کنال اراضی پر تیار فصلیں اورباغات بھی بہہ چکے ہیں جبکہ بڑی تعداد میں مویشی بھی ہلاک ہو گئے ہیں انہوں نے کہا کہ مانکیال اورمضافاتی علاقوں میں راستوں کی بندش کی وجہ سے اشیائے خورد و نوش کی شدید قلت پیدا ہو گئی ہے جس کے باعث لوگ ابلے ہوئے شلغم کھانے پر مجبور ہیں انہوں نے انکشاف کیا کہ مضافاتی علاقوں میں بھوک اور ادویات نہ ملنے کے باعث دس بچے جاں بحق ہوئے ہیں۔ انہوں نے کہا کہ حکومت کی جانب سے ابھی تک مانکیال اور مضافات کے متاثرین کی کوئی امداد نہیں کی گئی ہے انہوں نے کہا کہ علاقے میں قحط کا سماں ہے اور اگر بروقت امداد نہ پہنچائی گئی تو علاقے میں بڑا انسانی المیہ ہو سکتا ہے ادھر فلڈ ریلیف کمیٹی کے کوآرڈینیٹر عبدالواحد کی جاری کردہ پریس ریلیز کے مطابق گجر گبرال میں طبی سہولیات اور ادویات ختم ہو گئی ہیں جبکہ راستوں کی بندش کے باعث مریضوں کو کالام اور دیگر علاقوں میں پہنچانا ناممکن ہے جس کے باعث زچگی کے دوران ایک خاتون بروقت طبی امداد نہ ملنے کے باعث موت کی وادی میں چلی گئی جبکہ دیگر دو افراد بھی علاقے میں طبی سہولیات نہ ہونے کی وجہ سے دم توڑ گئے ہیں۔
روزنامہ جنگ راولپنڈی کی خبر
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,971 مراسلہ میں 8,223 بارشکریہ ادا کیا گیا
|
|
27-08-10, 03:15 AM
Linear Mode
Similar Threads
