سوات…سوات اور شانگلہ میں حالات بدستور کشیدہ ہیں سیکیورٹی فورسز سے جھڑپوں میں اٹھائیس شدت پسند ہلاک اور اکتیس زخمی ہو گئے ،جبکہ شدت پسندوں نے سات سیکیورٹی اہلکاروں کو جاں بحق کرنے کا دعویٰ کیا ہے۔سوات میں سیکیورٹی فورسز نے تحصیل کبل کے علاقے ہزارہ میں دریا ئے سوات کے کنارے شدت پسندوں کے مور چے پر مارٹر گولے فائر کیے جس کے نتیجے میں بارہ شدت پسند ہلاک اور پندرہ زخمی ہو گئے۔سیکیورٹی فورسز کی جانب سے کوٹ مام ڈھیری کے سا حلی علاقوں اور کبل پر بھی گولہ باری کا سلسلہ جا ری رہا۔ ضلع شانگلہ کے علاقے کروڑہ کے قریب شدت پسندوں کے ٹھکانوں پر حملوں میں سولہ شدت پسند ہلاک اوربارہ سے زائد زخمی ہو گئے۔ جبکہ سیکیورٹی فورسز کے مطابق بیلے بابا سے شدت پسندوں کو پیچھے دھکیل دیا گیا ہے۔سیکیورٹی فورسز اور شدت پسندوں کے مابین جھڑپوں کی وجہ سے سوات اور شانگلہ سے بڑی تعداد میں لوگ نقل مکا نی کر رہے ہیں ۔

__________________