رضی

اب اسے فوری نافذ کر دینا چاہیئے ۔

رضی

مبارک ھو بیماری صاحب میرا مطلب ہے ذرداری نے بھی دل پر ہاتھ رکھ کردستخط کر دئیے ہیں

ابن آدم

’ہر فیصلہ پارلیمنٹ میں ہوگا‘

عبدالحئی کاکڑ

بی بی سی اردو ڈاٹ کام، پشاور

ریگولیشن کے بل کی توثیق یا رد ہونے پر اس کی ذمہ داری صدر اور پیپلز پارٹی پر نہیں بلکہ پارلیمنٹ پر عائد ہوگی

آپ ضرور سوچ رہے ہونگے کہ صدر آصف علی زرداری اب کیوں اتنے جمہوریت پسند ہوگئے ہیں کہ انہوں نے نظام عدل ریگولیشن کے ترمیمی مسودے پر دستخط ثبت کرنے کی بجائے اسے پارلیمنٹ میں پیش کرنے کا قدم اٹھایا۔

آپ یہ بھی ضرور سوچ رہے ہونگے کہ خود کو سیکولر جماعت کہنے والی صوبہ سرحد کی حکمران قوم پرست جماعت عوامی نینشل پارٹی کب سے اتنی غیر جمہوری ہوگئی ہے کہ وہ پارلیمنٹ میں ریگولیشن کو پیش کرنے کے معاملے پر قدرے ناراض نظر آرہی ہے؟

جب آپ اس سوال کا جواب تلاش کرنے کی سعی کریں گے تو آخری نتیجے کے طور پر آپ کو صدرِ پاکستان کا فیصلہ اصولاً درست لگے گا لیکن جب آپ اصول کے فریم سے نکل کر زمینی حقائق پر نظردوڑائیں گے تو شاید آپ کہہ اٹھیں کہ نہیں اے این پی کی ناراضگی بھی تو ایک حد تک بجا ہے۔ اے این پی جس کی سیاست کا مرکزصوبہ سرحد ہے اس کو معاہدے کے بعد اپنا سیاسی مستقبل بھی خطرے میں معلوم ہورہا ہے۔ اب تک پارٹی کے سو سے زائد عہدیدار اور کارکن شدت پسندوں کے حملوں کا نشانہ بنے ہیں۔

اگلا سوال یہ پیدا ہوتا ہے کہ پیپلز پارٹی کے شریک چیئرمین اور پاکستان میں تمام قانونی اور آئینی طاقت کا سرچشمہ آصف علی زرداری ایسا کیوں کررہے ہیں اور جمہوریت کی بیساکھیوں پر چل کر ایوانِ اقتدار پہنچنے والی اے این پی آخر کیوں اس جمہوری عمل پر ناراض بھی ہے اور دبے الفاظ میں بظاہر آنکھیں دکھانے کی کوشش بھی کررہی ہے۔

ماضی میں جب بھی معزول ججوں کی بحالی، سترھویں ترمیم کے خاتمے اور دیگر قومی معاملات پر پیپلز پارٹی سے تعلق رکھنے والے صدر آصف علی زرداری، وزیراعظم یوسف رضا گیلانی اور دیگر وزراء سے سوال کیا جاتا تھا تو وہ یہ جانتے بوجھتے کہ پارلیمنٹ میں ان کی ہی اکثریت ہے جواب دے دیتے کہ ’ہم جمہوری لوگ ہیں اس کا فیصلہ ہم جلد ہی پارلیمنٹ میں بل یا قرارداد پیش کرکے کریں گے‘۔

پیپلز پارٹی کے قائدین نے کچھ عرصے تک جان چھڑانے کے لیے اس مختصر جملے کا نسخہ کامیابی سے آزمایا لیکن جب تک لاہور سے نواز شریف کی لانگ مارچ نہیں نکلی تب تک وہ اپنی مرضی سے متازعہ معاملات پر پارلیمنٹ جانے سے عملاً کتراتے رہے۔

اب اچانک آصف علی زرداری نے اپنی ہی ’مرضی‘ سے نظام عدل ریگولیشن کو پارلیمنٹ میں پیش کرنے کا فیصلہ کیا لہٰذا اس کے پسِ پردہ سیاسی مقاصد کو تلاش کرنے کی ضرورت ہے۔

سوات میں تشدد کے خاتمے کے لیے صوبہ سرحد کی حکومت اور کالعدم نفاذ شریعت محمدی کے درمیان طے پانے والے معاہدے میں صوبائی حکومت نے ملاکنڈ ڈویژن میں قاضی عدالتوں کے قیام کے لیے نظام عدل ریگولیشن کے ترمیمی مسودے کی منظوری دے کر گورنر کے ذریعے دستخط کے لیے صدرِ مملکت کے پاس بھجوائی تو امن معاہدے کی کامیابی اور ناکامی کی ذمہ داری فردِ واحد صدر آصف علی زرداری اور اکلوتی جماعت پیپلز پارٹی پر ڈال دی۔

پارلیمنٹ کے فیصلے کے بعد حکمران جماعت کے شریک چیئرمین صدر آصف علی زرداری کو بین الاقوامی برادری بالخصوص امریکہ اورمغربی ممالک کو رام کرنے میں اس لیے آسانی ہوگی کہ یہ سب کچھ نہ صرف جمہوری عمل کے ذریعے ہوا ہے بلکہ پارلیمنٹ کے سامنے تو وہ خود بھی بے بس ہیں۔

سوات امن معاہدے کی صورت میں قاضی عدالتوں کے قیام پر پاکستان کے اندر سول سوسائٹی اور لبرل حلقوں نے شور مچایا۔ امریکہ نے کبھی کھل کر تو کبھی زیر لب جن تحفظات کا اظہار کیا اس نے آصف علی زرادری کو آگے کھائی اور پیچھے سمندر والی کیفیت سے دوچار کردیا۔

لہٰذا امن معاہدے کی کامیابی اور ناکامی کی ذمہ داری سے اپنی ذات اور اپنی پارٹی کو بچانے کے لیے انہیں اپنا ماضی کا فارمولا یاد آیا کہ ’ہم جمہوری لوگ ہیں، ہر فیصلہ پارلیمنٹ میں ہوگا‘۔

آصف علی زرداری نے بڑی ہوشیاری سے ایک تیر سے تین شکار کیے۔ پہلا یہ کہ اگر پارلیمنٹ نظام عدل ریگولیشن کے بل کی توثیق یا پھر اسے رد کرتی ہے تو دونوں صورتوں میں اس کی ذمہ داری آصف علی زرداری اور پیپلز پارٹی پر نہیں بلکہ پارلیمنٹ پر عائد ہوگی۔

دوسرا یہ کہ پارلیمنٹ میں بل پیش ہونے کے بعد ان تمام پارٹیوں کا کردار بھی واضح ہوجائے گا کہ کون کہاں کھڑا ہے لہٰذا سیاسی طور پر دودھ کا دودھ اور پانی کا پانی ہوجائے گا۔

تیسرا یہ کہ پارلیمنٹ کے فیصلے کے بعد حکمران جماعت کے شریک چیئرمین صدر آصف علی زرداری کو بین الاقوامی برادری بالخصوص امریکہ اورمغربی ممالک کو رام کرنے میں اس لیے آسانی ہوگی کہ یہ سب کچھ نہ صرف جمہوری عمل کے ذریعے ہوا ہے بلکہ پارلیمنٹ کے سامنے تو وہ خود بھی بے بس ہیں۔

اب اگر پارلیمنٹ نظام عدل ریگولیشن کے بل کو پاس کرتی ہے تو پھر اے این پی اور پیپلز پارٹی کے درمیان سیاسی محاذ آرائی کا امکان کم ہوجائےگا لیکن معاملہ اس کے برعکس ہوتا ہے تو مستقبل میں سیاسی اور عسکری نقشہ بدل سکتا ہے۔

اگر پارلیمنٹ بالآخر کثرت رائے سے اس قضیے کا حل نکالتے ہوئے نظام عدل ریگولیشن، جس کو باہر کی دنیا شدت پسندوں کی شریعت سمجھتی ہے، منظوری دیتی ہے تو پھر شاید بین لاقوامی سطح پر یہ بحث بھی چھڑ جائے کہ پاکستان کی پارلیمنٹ میں طالبان حامیوں کی اکثریت بیٹھی ہوئی ہے۔
‭BBC Urdu‬ - ‮پاکستان‬ - ‮’ہر فیصلہ پارلیمنٹ میں ہوگا‘‬

wajee

لیکن ایک ملک میں دو دو نظام دو عدالتیں دو مذہب سیکولر اور اسلامی واہ واہ پورے ملک میں اسلامی نظام ناٖفذ ہونا چاہے پورے پاکستان میں سوات جیسا ہونا چاہے

فیصل ناصر

صحیح کہتے ہو
پورے ملک میں اسلامی نظام عدل ہونا چاہئے

طاھر

جی ہاں !

بالکل بجا فرمایا آپ نے - تمام ملک میں یہی اسلامی نظام نافذ ہونا چاہیئے۔

رہی بات ایم کیو ایم کے بائیکاٹ کی، تو مولانا الطاف حسین صاحب نے فرمایا ہے کہ یہ بل شرعی نہیں ہے

والسلام

طاہر

Attached Images

 

فیصل ناصر

فیصل ناصر

سرورق پر لانے کا شکریہ

فرحان دانش

ایک ملک۔ کئی عدالتی نظام

پارلیمینٹ میںنظام عدل ریگولیشن ایسے اہم مسئلے پر بحث کا دورانیہ نہ صرف بڑا مختصر رہا۔ بہت سے ارکان نے تو اس معاہدے کا مسودہ ہی نہیں دیکھا تھا۔ یہ بھی حقیقت ہے کہ معاہدہ پہلے ہی طے پا چکا تھا اور نافذ العمل بھی ہو چکا تھا۔ اس لحاظ سے یہ مسئلہ غورطلب ہے کہ کیا یہ صحیح طریق کار تھا اور کیا اس سے پارلیمینٹ کی بالادستی ثابت ہوگی یا زیردستی ۔ کیا یہ اقدام بانیٴ پاکستان حضرت قائداعظم اور تحریک پاکستان کے اکابرین کی جدوجہداور امنگوں سے مطابقت رکھتا ہے یا تحریک پاکستان اور قیام پاکستان کی مخالف جماعتوں کے موقف سے ہم آہنگ ہے

1973ء کا متفقہ آئین منظور کرنے والوں نے تو پورے ملک میں ایک آئین کے نفاذ کی تمنا کی تھی ایک عدالتی نظام کو لوگوں کے لئے انصاف کا سرچشمہ بنایا تھا ۔اب سوال پیداہوتاہے کہ اس نظام عدل کے تحت ہونے والے فیصلوں کو کسی دوسری عدالت میں چیلنج کیا جا سکے گا یا نہیں؟ اگر یہ نظام کامیابی سے ہمکنار ہوا تو کیا اسی نوع کا نظام ملک کے دوسرے حصوں میں بھی رائج کیا جائے گا اگر یہ نظام عوام بشمول خواتین کو ان کے حقوق نہ دے سکا تو کیااسے شریعت کی ناکامی کا نام دینا ممکن ہوگا؟

اور ہمارے لئے انتہائی بے چینی سے اُس گھڑی کا انتظار جب صدر اسلامی جمہوریہ پاکستان آصف علی زرداری صاحب بمعہ وزیراعظم یوسف رضا گیلانی، اسفند یار ولی خان اور وفاقی وزراء خصوصاً رحمان ملک اور گورنر پنجاب سلمان تاثیر صاحبان کے ہمراہ مالا کنڈ… مکمل شرعی حلیہ اور ادب آداب اختیار کرنے کے بعد تشریف لے جاکر … تحریک نفاذ شریعت محمدی کے اجتماع سے خطاب کریں۔ فوزیہ وہاب اور شیری رحمان ہمراہ جانے سے گریز کریں کہ مزید لرزہ دینے والی ویڈیو دیکھنے کی قوم میں تاب نہیں!!۔

فرحان دانش

تمام ملک میں شریعت محمدی نافذ ہونی چاہیے اور بندوق کے زور پرطالبانی شرعی نظام کو نافذ نہیں ہونا چاہیئے۔



اب صوفی محمد صاحب امیر المومینن بنے کی کوشش کر رہا ہے

فیصل ناصر

قدم بڑھائیں
ھم آپکے ساتھ ہیں