04 ستمبر 2010
واشنگٹن (مانیٹرنگ ڈیسک) ناسا نے اعلان کیا ہے کہ وہ ایسے خلائی جہاز کی تیاری میں مصروف ہے جو سورج کی سطح سے 40 لاکھ میل کی دوری تک جاکر سورج کا سائنسی معائنہ کرے گی جس سے سورج سے متعلق دوہائیوں پرانے سوالات کے جوابات حاصل کرنے میں مدد ملے گی اس خلائی مشن کا مقصد ان سوالات کے جوابات تلاش کرنا ہے جنہوں نے سائنسدانوں کو ابھی تک الجھائے رکھا ہوا ہے۔ ناسا کی ہیلوفیزکس ڈویژن کے سربراہ ڈِک فشر کا کہنا ہے کہ اس خلائی مشن کا مقصد اس بات کا پتہ چلانا ہے کہ سورج کے آس پاس کے ماحول کا درجہ حرارت اس کی زمین سے زیادہ کیوں گرم ہے اور دوسرا یہ کہ سولر ونڈز کی وجہ کیا ہے۔ ناسا نے اعلان کیا ہے کہ وہ اس خلائی مشن کو 2018 میں شروع کرے گی۔

__________________
جاویداسد