السلام علیکم
افریقہ کا سب سے بڑا ملک سوڈان جو کہ ایک اسلام ملک تھا تقسیم کر دیا گیا۔ تیل کی دولت سے مالا مال اس ملک پر ایک عرصہ سے عیسائیوں اور یہودیوں کی نظریں تھیں۔ اس حصے کو حاصل کرنے کے لیے سازشیں بہت پہلے سے ہو رہی تھیں اور آخر کار اسلام دشمن کامیاب ہو گئے۔
اس سے پہلے مشرقی تیمور کو الگ کرنے کے لیے اقوام متحدہ اور امریکہ نے جس انسانی ہمدردی کا ثبوت دیا تھا وہ سب کے سامنے ہے ۔۔
بنگلہ دیش کی علیحدگی کے وقت امریکی ساتویں بحری بیڑے کا وعدہ تا حال شرمندہ تعبیر نہیں ہو سکا
اب سوڈان میں جو کچھ کیا وہ سب کے سامنے ہے

اور دوسری جانب فلسطین ایک عرصہ سے ظلم کی چکی میں پس رہا ہے ۔۔۔ اس کے حوالے سے امریکہ
کا موقف ہے کہ اگر اقوام متحدہ میں آزادی کی بات کی تو امریکہ اس کی مخالفت کرے گا۔
کشمیر کے مظالم اور ان کا حق خود ارادیت نہ اقوام متحدہ کو یاد ہے اور نہ امریکہ کو


وہ اپنا کام بڑی تندہی اور لگن سے کر رہے ہیں ۔۔ سوال یہ ہے کہ ہم نے کیا کیا؟
ایک اسلامی ملک دو لخت ہو گیا۔ تیل کی دولت پر عیسائیوں نے قبضہ کر لیا اور ہم ابھی تک اپنے مسلکی، گروہی اور لسانی اختلافات تک نہ بھلا سکے۔

مقام افسوس کہ پاک نیٹ پر اس حوالے سے کوئی تذکرہ، کوئی افسوس اور کوئی مراسلہ نہیں۔
ہم اگر اس حال مست انداز سے جیئیں گے تو بزبان حال ہم ان کو یہ حق دے رہے ہیں کہ وہ جو چاہیں، جیسا چاہیں اور جہاں چاہیں کرتے پھریں ۔

وائے ناکامی کہ متاع کارواں جاتا رہا
کارواں کے دل سے احساس زیاں جاتا رہا

__________________
محتاج اصلاح و دعا