بھلا ہو سپریم کورٹ کا جس نے کیبل پر چلنے والے ان تمام انڈین چینل کو بندکردیا ۔جس سے کمزور خاوندوں کی سنی گئی ۔وہ بچے جو اپنا ہوم ورک اپنی ماں کی مددکے بغیر نہیں کرسکتے تھے انہوں نے ہوم ورک کرنا شروع کردیا ہے ۔وہ ملازم جو سٹار پلس کے مخصوص ڈراموں کے وقت مختلف حیلوں بہانوں سے چھٹی کرجاتے تھے انہوں نے بھی کام کرنا شروع کردیا ہے
اب تو حالات یہاں تک پہنچ چکے تھے کہ جب منگیتر اپنی ہونے والے دلہنیا سے پوچھتا کہ تم میرے لئے کیا کچھ چھوڑ سکتی ہو وہ کہتی کہ اپنے والدین چھوڑ دوں گی۔ شہر چھوڑ دوں گی۔ ایس ایم ایس کرنا چھوڑ دوں گی۔ پرانی دوستوں کو ملنا چھوڑ دوں گی۔ صبح لیٹ اٹھنا چھوڑ دوں گی۔ جب باری آتی سٹار پلس کی تووہ کہتی کوئی تو کہتی کسی اور سے منگنی کرلو یہ منظور نہیں ہے
گھر میں کھانا تیار نہیں ہے تو بیوی کہتی کہ یہ ڈرامہ کی قسط مکمل ہوگی تو کھانا تیار ہوگا ورنہ بھوکے بیٹھے رہو۔ بچے ماں سے کہتے کہ سکول کا یہ کام کیسے کرنا ہے تو کہتی ابھی یہ 200 سے قسطوں سے بیمار خاتون جو مری نہیں اس کے مرنے کی آخری رسومات دیکھ لوں تو بتاتی ہوں ۔اگر ڈرامہ کے دوران کوئی بچہ درمیان میں بول پڑھا تو اس کی شامت۔ اگر کسی کا ایمرجنسی فون آگیا تو فون ڈرامہ کے بعد کرنے کا پہلے ہی پیغام دے دیا جاتا۔ اللہ نہ کرے تو کوئی فوتیدگی ہوگئی تو ڈرامہ کے اوقات میں کوئی پیغام آگیا تو برملا کہنا کہ اس کو بھی اسی وقت مرنا تھا۔ ڈرامہ میں تو 200 قسطوں میں بھی کوئی مائی مرتی نہیں یہ پتہ نہیں کیسے مرگئی۔
جب کوئی گھریلو ملازم رکھا جاتا تو وہ پہلے شرط رکھتا کہ اتنی تنخواہ ۔تین وقت کا کھانا اور اس وقت سٹار پلس پر فلاں ڈرامہ کے وقت کوئی کام نہیں‌کیا جائے گا ہاں اگر بجلی کی لوڈشیڈنگ سے کوئی ڈرامہ مس ہوگیا تو نشرمکرر کے وقت بھی کام نہیں کریں گے اگر شرائط منظور ہوں تو کل سے کام پر آجائیں گے
انڈین چینل کی بندش پر خاص طورپر مردوں نے سکھ کا سانس لیا ہے ۔ جہاں ان چینل کی بندش سے سامیں اداس ہوگئ ہیں وہاں پر ذہنی سکون بھی ہوا ہے۔ ورنہ اب تو مردوں کی اکثریت یہ کہتی نظر آتی تھی کہ خواتین کو تو سٹار پلس نے بگاڑ کررکھ دیا ہے ۔اس کے علاوہ مردوں کو تنگ کرنے کے نئے نئے طریقے جو ڈرامون کو دکھائے جاتے تھے وہ علیحدہ تھے۔ اب بندش سے جہاں خواتین بہت زیادہ اداس تھیں اور ہڈحرام ہوچکی تھیں نے مستقل پابندی پر اب گھریلوکاموں میں دلچسپی لینا شروع کردی ہے۔ بلکہ دبے لفظوں میں خود ہی اعتراف کرنا شروع کردیا ہے کہ چلو ان جھوٹے سچے ڈراموں سے جان چھوٹی جنہوں نے ان کو نکما کرکے رکھ دیا تھا۔ بچے بھی نالائق ہوگئے تھے ۔ جس سے محسوس ہوتا ہے کہ ان کا ذہنی توازن درست ہونا شروع ہوگیا ہے ۔ اگر اس پر مستقل پابندی رہی تو امیدہے ٹھیک ہی نہیں بلکہ بالکل تندرست ہوجائے گا اور جو ہم پر انڈین ثقافت کی یلغار تھی وہ بھی ختم ہوجائے گی اور ہماری رزمرہ زندگی میں جو ہندی کے الفاظ شامل ہوگئے تھے ان میں بھی کمی آئے گی۔اور جو فیش سٹار پلس سے شروع ہوتے تھے وہ بھی اپنی موت آپ مرجائیں گے

__________________
جاویداسد