کراچی (جنگ نیوز) ملک کے ممتاز نیوز چینل ”جیو نیوز“ پرسیاسی بحث و مباحثے کا مقبول پروگرام ”کیپٹل ٹاک“ ہرخاص وعام میں مقبول ہے۔ جمعہ 7دسمبر2007 کو ”کیپٹل ٹاک“ نشر کیاجا رہا ہے جو دبئی سے جیو نیوز کی نشریات کی بحالی کے بعد پہلی بار آن ایئر ہوگا۔ ”کیپٹل ٹاک“ میں میزبان حامد میر کے ساتھ پاکستان مسلم لیگ (ن) کے نائب صدر ظفر علی شاہ ، مسلم لیگ (ق) کی نیلوفر بختیار، پیپلزپارٹی پارلیمنٹیرین کے سینیٹر انور بیگ اور معروف دفاعی تجزیہ نگار لیفٹیننٹ جنرل (ریٹائرڈ) طلعت مسعود موجودہ سیاسی صورتحال کے حوالے سے اظہار خیال کریں گے۔ یہ پروگرام بیرون ملک تو سیٹیلائٹ کے ذریعے ہر کوئی دیکھ سکے گا جبکہ اندرون ملک بھی ڈش انٹینا کی سہولت سے مستفید شائقین ”کیپٹل ٹاک“ دیکھ سکیں گے تاہم ابھی بھی لاکھوں ناظرین کیبل نیٹ ورک کے ذریعے جیو ٹیلیویژن نیٹ ورک کے چینلوں پر عائد پابندی کی وجہ سے تاحال قومی سیاسی مذاکروں ، تجزیوں اور تبصروں سے محروم ہیں۔ ”کیپٹل ٹاک“ رات 8 بجکر 5منٹ پر نشر ہوگا۔

__________________