کراچی . . . اسٹیٹ بینک کی جانب سے نئی مانٹیری پالیسی میں شرح سود بڑھائے جانے کی اطلاعات پر تجارتی وصنعتی حلقوں نے تشویش کا اظہار کیا ہے اور گورنر اسٹیٹ بینک سے درخواست کی ہے کہ وہ زمینی حقائق کو مدنظر رکھتے ہوئے فیصلہ کرے۔ وفاق ایوانہائے تجارت وصنعت پاکستان کے صدر سلطان چاؤلہ نے جیونیوز سے بات چیت کرتے ہوئے کہا کہ موجودہ حالات میں اسٹیٹ بینک کی جانب سے شرح سود میں اضافہ تجارتی وصنعتی مشکلات میں مزید اضافہ کریگا۔ ان کا کہنا تھا کہ اسٹیٹ بینک شرح سود میں کم ازکم دو فیصد کمی کا اعلان کرے ۔ کراچی چیمبر کے نو منتخب صدر سعید شفیق نے کہا کہ زمینی حقائق شرح سود میں کمی کا تقاضہ کررہے ہیں ۔ انہوں نے کہا کہ عالمی مالیاتی اداروں کے دباؤ پر اگر شرح سود بڑھایا گیا تو اس سے سرمایہ کاروں کا اعتماد متاثر ہوگا۔

__________________
جاویداسد