فرحان دانش

ناظم کرا چی سید مصطفی کمال نے ”کراچی ڈیولپمنٹ ٹرسٹ“ کے قیام کا اعلان کرتے ہوئے کہا ہے کہ ملک یا صوبے کے معاشی اور دیگر حالات کیسے بھی ہوں آئندہ کر اچی کی ترقی کو رکنے نہیں دیں گے ہر شہری جہاد سمجھ کر کم سے کم ہر ماہ 5/ روپے ٹرسٹ کے اکاؤنٹ میں جمع کر ائے تو ہر مہینے ساڑھے چار کروڑ روپے جمع ہوجایا کریں گے۔ کراچی ڈیولپمنٹ ٹرسٹ کے باقاعدہ قیام کا اعلان انہوں نے منگل کو نیشنل اسٹیڈیم میں سٹی گورنمنٹ اور ٹاؤنز کے ملازمین کے ایک بڑے جلسے سے خطاب کرتے ہوئے کیا جس میں ہزاروں ملازمین، ڈی سی او کراچی جاوید حنیف، ٹاؤن ناظمین ای ڈی اوز اور دیگر افسران سمیت شرکت کی۔ سٹی ناظم نے اپنے خطاب میں کہا کہ کر اچی ملک کو 70/ فیصد ریونیو کما کر دیتاہے مگر ہمیں 2/ فیصد سے بھی کم ملتا ہے لہٰذا ہم نے فیصلہ کیا ہے کہ اب کراچی کی ترقی میں شہری از خود اپنا کردار ادا کریں گے اب ہم کسی سے بھیک نہیں مانگیں گے بلکہ اپنے و سائل سے ترقی کا سفر جاری ر کھا جائے گا کر اچی میں ر ہنے وا لا ہر فرد اپنی ماہانہ آمدنی میں سے کم از کم 5/ روپے اور زیادہ جتنا چاہے اپنا حصہ دے گا شہر میں اس وقت مختلف بینکوں میں 90/ لاکھ اکاؤنٹس ہیں اگر ہر اکاؤنٹ ہولڈر بینکس کو فارم بھر کر دے دے تو خود بخود ہر ماہ رقم ان کے اکاؤنٹ سے منہا ہو کر ٹرسٹ کے اکاؤنٹ میں چلی جائے گی صرف ان اکاؤنٹس سے ہر ماہ ساڑھے چار کروڑ روپے صرف5/ روپے جمع کرا نے سے حاصل ہوسکتے ہیں انہوں نے ٹرسٹ کی مزید تفصیلات بتاتے ہو ئے کہا کہ یہ 5/ افراد پر مشتمل ہوگا اور یہ پانچوں شخصیات غیر متنازعہ اور غیر سیاسی ہونگی انہوں نے مثال کے طور پر سابق گورنر اسٹیٹ بینک ڈاکٹر عشرت حسین، جسٹس (ریٹائرڈ) ناصر اسلم زاہد اور ممتاز سرجن ڈاکٹر ادیب رضوی کے نام پیش کئے انہوں نے کہا کہ جمع ہونے والے فنڈ کو سٹی ناظم، ڈی سی او کو استعمال کرنے کا اختیار نہیں ہوگا اور نہ ہی اسے ملازمین کی تنخواہوں یا کسی اور مقاصد کے لئے استعمال کیا جائے گا اس ٹرسٹ کے فنڈز کا ہر تین ماہ بعد آڈٹ ہوگا۔ سید مصطفی کمال نے کہا کہ آج ملازمین کو جمع کرکے اس کام کا آغاز اپنے گھر سے کیا ہے آئندہ ماہ کرا چی کے لوگوں کے پاس جاؤں گا کسی ملازم سے زبردستی یہ فنڈ نہیں لیا جائیگا۔ انہوں نے کہا کہ آج پہلے روز سٹی حکومت اور ٹاؤن کے ملازمین کی جانب سے 29/ لاکھ 70/ ہزار ایک سو پندرہ روپے طور عطیہ جمع ہوئے ہیں جبکہ سٹی ناظم نے اپنی آمدنی سے ہر ماہ ایک ہزار روپے دینے کا اعلان کیا۔ سٹی ناظم نے اپنے تفصیلی خطاب میں اپنے چار سالہ دور میں کرا چی میں کئے جانے والے کاموں پر تفصیلی روشنی ڈالتے ہوئے کہا کہ پاکستان کی تاریخ میں اتنی کم مدت میں کسی شہر میں اتنے منصوبے مکمل نہیں ہوئے ہمارے چار سالوں کے کام گزشتہ 60، 62 سالوں سے زیادہ ہیں ان ساری چیزوں کا کریڈٹ میرے قائد الطاف حسین اور میری لیڈرشپ کو جاتا ہے جنہوں نے مجھے اس کام پر لگایا اس کے بعد کراچی کے لوگوں کو جاتا ہے۔ جنہوں نے حق پرست گورنمنٹ پر بھرپور اعتماد کیا انہوں نے کہا سٹی گورنمنٹ کے ملازمین کا بھی کرا چی کے شہریوں کی جانب سے شکریہ ادا کیا انہوں نے کہا کہ ہم خود پاور پلانٹ لگائیں گے، ماس ٹرانزٹ سسٹم اپنے پیسوں سے چلائیں گے۔

ماخذ: جنگ

__________________
فرحان دانش کا بلاگ وال چاکنگ http://www.farhandanish.tk

wajee

زبردست لگے رہو حق پرست اراکین و کارکن جیو

shafresha

کیا بات ہے مصطفیٰ کمال بھائی کی!

اور

کیا بات ہے کراچی کی عوام کی؟
کراچی والوں شروع ہوجاؤ اس مہم کا کامیاب بنانا ہے میں خود بھی اس میں‌حصہ لوں گا، انشاء اللہ

فرحان دانش

میں کراچی ڈیولپمنٹ ٹرسٹ میں اپنی ماہانہ آمدنی میں سے کم از کم 5/ روپے اور زیادہ جتنا ہو سکے گا دوں گا

راشد احمد

بہت اچھی مخلص کوشش ہے۔ حکومت پر انحصار کئے بغیر مصطفٰی کمال کام کرنے میں کامیاب ہوگئے تو یہ حکومت کے منہ پر طمانچہ ہوگا

__________________
حکمران کے محبوب ہونے اور فرعون بننے میں رویے کا فرق ہے۔

فرحان دانش

انشاء اللہ یہ منصوبہ "I Own Karachi"کی طرح کامیاب ہوگا

راشد احمد

سندھ میں پی پی کی حکومت ہے کیا اسے کراچی کی کوئی پروا نہیں؟
مجھے تو لگتا ہے کہ سندھ میں کوئی حکومت ہی نہیں

سحر

اللہ کرے یہ پیسے بھی باقی ماندہ اسکیموں کی طرح اوپر یا باہر والوں کی جیبوں میں نہ جائے ۔

لیکن ایسا کیسے ہوسکتا ہے کہ جو آج تک نہں ہوا وہ اب ہوجائے یعنی کوئی نہ کھائے

shafresha

سحر بہن کسی کی بات کو تو پازیٹیو لیں نا!

wajee

جو ایم کیو ایم والے کہہ دے وہ ہو ہی نہیں سکتا ایسا کبھی نہیں ہو سکتا ایم کیو ایم والے کچھ کرنے کا جذبہ لے کر اُٹھے ہیں

__________________

سحر

ایم کیو ایم والے کہہ رہے ہیں ۔ اسی لیے تو ہم کہتے ہیں کہ وہ سارے پیسے کہاں جائیں گے ۔ بھائی میرے ہم یعنی کراچی والے ایم کیو ایم کے ہی ڈسے ہوئے ہیں ۔
شائد انگلینڈ والوں کی تجوریوں میں مال کی کمی ہوگئی ہے ۔
اس لیے یہ اسکیم نکالی ہے

سحر

شافریشہ بھائی آپ اتنے سمجھدار ہوکر بھی ان لوگوں کی باتوں میں آتے ہیں حیرت ہے ۔
اگر یہ لوگ کچھ کرنے والے ہوتے تو کراچی میں قتل عام کرنے کے بجائے کراچی کے لیے کچھ کرتے ۔

wajee

ہاں ہاں کہہ لوں جو کہنا ہے میں بھی ایسا کہتا تھا لیکن ایم کیو ایم واقعی بہت کچھ کر رہی ہے جیو حق پرست اراکین و کارکن

wajee

صرف ایم کیو ایم ہی شامل نہیں ہر جماعت شامل ہے اگر ایم کیو ایم یہ کرواتی ہے تو ایم کیو ایم کو کراچی اور حیدرآباد سے ووٹ نہیں ملنے چاہیے کیوں !!!

shafresha

بہن شاہد میں آپ کی بات کی تائید کرنے سے قاصر ہوں۔
ایم کیو ایم کے ڈکٹیٹر کا تو پتہ نہیں مگر سٹی ناظم مصظفیٰ کمال صاحب کی شاندار کارکردگی ہم سب کی نگاہوں کے سامنے ہے لہذا مٰں تو اُنکی آواز پر لبیک کہوں گا ہی۔

ایک نگاہ یہاں بھی:
کراچی کے اِک شہر ہے عالم میں بے مثال!

کراچی میں ایشیاءکے سب سے بڑے بیچ ریسٹورنٹ کا افتتاح