کراچی ... سٹی گروپ کو سال2007 کی آخری سہ ماہی میں9ارب83کروڑ ڈالر کا خسارے ہوا ۔ امریکی بینکنگ جائنٹ ، سٹی گروپ کے نئے چیف ایگزیکٹو وکرم پنڈت کے مطابق یہ نقصان سب پرائم لونز میں 18ارب10کروڑڈالر کےexposureکی وجہ سے ہوا ہے جبکہ کمپنی کی آمدنی سن 2006 کی چوتھی سہ ماہی کے مقابلے میں 70فی صد کمی کے ساتھ7ارب 20کروڑ ڈالر ہوگئی ۔ انہوں نے مزید کہا کہ بینک سنگاپور کی حکومتی سرمایہ کار کمپنی سی آئی جی سے 6ارب 88کروڑ ڈالر کی سرمایہ کاری حاصل کرے گا ۔ سٹی گروپ پچھلے سال نومبر میں ابو ظہبی کی سرمایہ کاری کمپنی سے 7ارب 50کروڑ ڈالر کی سرمایہ کاری حاصل کر چکا ہے ۔ سٹی گروپ امریکہ کا سب سے بڑا بینکینگ گروپ ہے ، جس کے 100سے زائد ممالک میں 20کروڑ سے زائد صارفین اور 3لاکھ ملازمین ہیں ۔