کل صبح پاک بگز نامی ایک ہیکر گروپ نےزومبی کے ایس اے کے آئی ڈی سے سپریم کورٹ آف پاکستان کی ویب سائیٹ کو ہیک کر لیا۔

ہیکرز جن کا تعلق بظاہر پاکستان سے ہی ہے، نے مطالبہ کیا کہ پاکستان میں فحش ویب سائیٹس پر پابندی لگائی جائے۔ ہیکرز کی جانب سے دھمکی دی گئی کہ اگر انکے مطالبات کو تسلیم نہ کیا گیا تو پاکستان ٹیلی کمیونیکیشن اتھارٹی کی ویب سائیٹ کو بھی ہیک کر لیا جائے گا۔

یہاں یہ بات قابل ذکر ہے کہ اس سے قبل نویں جماعت کے ایک طالب علم نے پی ٹی اے، اور وزارت انفارمیشن ٹیکنالوجی اور چیف جسٹس کو ایک خط لکھا تھا جس میں اس قسم کی ویب سائیٹس پر پابندی لگانے کی اپیل کی گئی تھی۔

ہیک کئے گئے صفحہ پر ہیکرز کی جانب سے چیف جسٹس آف پاکستان جسٹس افتخار محمد چوھردی کے پر آسائیش رہن سہن پر کڑی تنقید کی گئی اور اس بات کا مطالبہ کیا گیا کہ وہ غریبوں کے مسائل کی طرف توجہ دیں۔

اطلاعات کے مطابق ویب سائیٹ انتظامیہ نے اس بات کا نوٹس لے لیا ہے اور ہیک کئے گئے صفحہ کو ختم کر دیا گیا ہے۔اس کے علاوہ ہیکرز کی تلاش بھی شروع کر دی گئی ہے۔

__________________
ناراضگی ظاہر کرنا دل میں برائی رکھنے سے بہتر ہے۔