کراچی....سپریم کورٹ نے کروڑوں روپے مالیت کی جائیدادکے تنازع میں50سال بعددعویدار کواس کاحق دلادیا۔زمین کے مالک عبدالجبارنظامانی کی ٹھٹھہ کے علاقے میں512ایکڑ زمین پرباثرشخص محمدحیات نے1960میں قبضہ کیا اور موقف اختیارکیاکہ اس کے والدنے یہ زمین64ہزارروپے میں فروخت کی تھی اور13ہزار کی ادائیگی پرقبضہ دیدیاتھا۔سندھ ہائیکورٹ نے2005میں اس مقدمے کافیصلہ عبدالجبار نظامانی کے حق میں کیالیکن فریق مخالف نے سپریم کورٹ میں اپیل دائرکرکے حکم امتناع حاصل کرلیا۔آج سپریم کورٹ کراچی رجسٹری میں چیف جسٹس افتخارمحمد چوہدری اورجسٹس جوادایس خواجہ پرمشتمل بنچ نے یہ اپیل مسترد کردی اور مقدمے کے اخراجات بھی فریق مخالف کو برداشت کرنے کا حکم دیا۔
سپریم کورٹ نے نصف صدی بعد زمین کی ملکیت کا تنازع نمٹا دیا

السلام علیکم،
بلدیہ میں واقفیت رکھنے والے ایک شخص کی میرے نانا جان کے ساتھ مخاصمت تھی۔ اس نے 1965 کی جنگ کے بعد مکان کا ایک حصہ یہ کہہ کر بلڈوز کرا دیا کہ یہاں سے ٹینک گزرنے تھے لیکن ان لوگوں نے سرکاری زمین پر قبضہ کر رکھا ہے جس کی وجہ سے کار سرکار میں رکاوٹ‌پڑی ہے۔ ابا جی نے انہی بنیادوں پر دوبارہ کمرے تعمیر کیے اور بلدیہ پر اپنے نقصان کی تلافی کا مقدمہ دائر کر دیا جس کی قیمت اس وقت چند ہزار روپے تھی۔ اس وقت ہمارے گھر کے اطراف میں‌آبادی نہ تھی۔ پھر وہ علاقہ آباد ہونے لگا اور شہر کے متمول علاقوں میں‌اس کا شمار ہوا۔ گلیاں سڑکیں اور دوسری سہولیات میسر ہوئیں لیکن کیس کا فیصلہ نہیں ہوا۔ چالیس برس کا عرصہ بیت گیا تو بلدیہ والوں کا وکیل فوت ہو گیا۔ اس کے بیٹے نے گدی سنبھال کر جب اس مقدمے کی فائل پڑھی تو حیران رہ گیا۔ اگلی پیشی پر جج سے کہنے لگا "یہ مکان آپ کی عدالت سے آدھے کلومیٹر کے فاصلے پر واقع ہے، میں‌اکثر وہاں سے گزرتا ہوں۔ فریق ثانی کا مکان دوسرے مکانوں کی سیدھ میں‌ہے لہٰذا سرکاری زمین پر قبضے کا سوال ہی پیدا نہیں‌ہوتا۔ آپ چل کر دیکھ لیں"۔ پھر جج صاحب نے آس پاس کے دو مکانات کی رجسٹری طلب کی اور پیمائش وغیرہ دیکھنے کے بعد مقدمہ خارج کرتے ہوئے ارشاد فرمایا:
"معلوم ہو گیا ہے کہ مقدمہ بے بنیاد ہے، ہرجانے کی رقم کے لیے ہماری عدالت میں نیا دعویٰ دائر کیا جائے"
یہ اس شخص‌کے مقدمے کی داستان ہے جس کا شاگرد لاہور ہائی کورٹ‌کا چیف جسٹس تھا۔ جب وہ ملنے جاتے تو ان کے احترام میں‌وہ اپنی کرسی چھوڑ کر ساتھ آ کر بیٹھ جایا کرتا تھا لیکن ابا جی نے انہیں‌اپنے حق میں‌سفارش کرنے سے منع کر رکھا تھا۔
والسلام علیکم