سیاسی مفاہمت عوام کے خلاف سیاستدانوں کا اتحاد ہے ، جماعت السنہ
کراچی( پ ر) جماعة السنہ پاکستان کے ناظم اعلیٰ سید اشرف قریشی نے کہا ہے کہ غریب عوام کی قوت خرید میں اضافہ کئے بغیر مہنگائی میں بے تحاشہ اضافہ غریبوں پر ظلم اور عرصہ حیات تنگ کرنے کے مترادف ہے ، پیٹرول کے بعد سوئی گیس کی قیمتوں میں تیس فیصد اضافہ مہنگائی کا نیا سیلاب لیکر آئیگا جو حکومت کی رہی سہی مقبولیت کو بھی بہالے جائیگا۔ انہوں نے کہا کہ سیاسی مفاہمت کو خوش آئند قرار دیا جارہا تھا لیکن تجربے سے ثابت ہو رہا ہے کہ مبینہ سیاسی مفاہمت عوام کے خلاف سیاستدانوں کا اتحاد ہے ۔ انہوں نے کہا کہ پارلیمنٹ میں موجود کوئی بھی سیاسی جماعت مہنگائی اور دیگر عوامی مسائل کیلئے موثر آواز بلند نہیں کررہی۔ انہوں نے کہا کہ مہنگائی سے تنگ غریب عوام علماء سے فتویٰ مانگ رہی ہیں کہ چھوٹی موٹی ضروری چوری کو جائز قرار دیا جائے ۔ انہوں نے کہا کہ عوام کو ایسے حالات سے دو چار کر دیا گیا ہے جبکہ انکے پاس خودکشی یا جرم کے سوا زندگی برقرار رکھنے کا کوئی راستہ نہیں۔ انہوں نے کہا کہ موجودہ مایوس کن حالات میں ریاست ہر عوام کا اعتبار اور اعتماد برقرار رکھنا بہت مشکل ہے ۔

__________________