|
سیلاب : بند توڑنے کیخلاف آئینی درخواست سپریم کورٹ میں دائر
02-10-10, 04:25 AM
اسلام آباد (سپیشل رپورٹر) پاکستان مسلم لیگ (ق) کی رکن قومی اسمبلی ماروی میمن نے سپریم کورٹ میں ایک آئینی درخواست دائر کی ہے جس میں انہوں نے عدالت سے استدعا کی ہے کہ سیلاب کے دوران بند توڑنے کے حوالے سے وفاقی حکومت اور سندھ حکومت سمیت دیگر مدعا علیہان سے تفصیلی جواب طلب کیا جائے اور جواب گزاروں کو حکم دیا جائے کہ وہ ہر بند کو توڑنے کی وجوہات اور اس کے جواز کے حوالے سے آگاہ کریں۔ کریمنل غفلت کا مظاہرہ کرنے پر انہوں نے وفاقی اور سندھ حکومت سمیت دیگرمتعلقہ اداروں کے خلاف آئینی درخواست دائر کی ہے۔ اُنہوں نے اپنی درخواست میں موقف اپنایا ہے کہ سندھ اور بلوچستان میں سیلاب کے دوران بند توڑنے کی وجہ سے ہزاروں لوگوں کی زندگیوں کو متاثر کیا گیا اور لوگوں کے بنیادی حقوق کی نفی کی گئی۔ جواب گزار ورلڈ بنک سمیت دیگر بین الاقوامی اداروں کی تنبیہ کے باوجود سیلاب کی شدت اور اس کے اثرات کا اندازہ لگانے میں ناکام رہے ہیں جبکہ جواب گزاروں نے مفاد پرستی کیلئے جان بوجھ کر مختلف بندوں میں شگاف ڈالے جس سے بڑے پیمانے پر لوگوں کے جان و مال کونقصان پہنچایا گیا اور جان بوجھ کر جیکب آباد ایئر بیس سے ریسکیو آپریشن کی اجازت نہیں دی گئی۔ سیلاب متاثرین سے نہ صرف برا سلوک کیا گیا بلکہ کیمپ لگانے اور دیگر انتظامی امور میں غفلت کا مظاہرہ کیا گیا جس سے متاثرہ علاقوں میں بڑے پیمانے پر بیماریوں نے لوگوں کو اپنی لپیٹ میں لے لیا اور ملک کے دیگر حصوں کی نسبت سندھ و بلوچستان میں بہت چھوٹے پیمانے پر ریلیف کی کاوشیں کی گئیں۔ درخواست گزار نے سینئر وکیل عبدالحفیظ پیرزادہ کے ذریعے اپنی درخواست دائر کی ہے جس میں سیلاب کی صورتحال کی تحقیقات کیلئے خودمختار کمیشن تشکیل دینے کی استدعا کی گئی ہے۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,972 مراسلہ میں 8,225 بارشکریہ ادا کیا گیا
|
|
02-10-10, 04:25 AM
Linear Mode
Similar Threads
