اسلام آباد (خبرنگارخصوصی) سیلاب کے دوران ڈیزل اور مٹی کے تیل کی قیمتیں بڑھا دی گئی ہیں جس سے ملک میں مہنگائی کا طوفان آجائے گا ،آئل اینڈ گیس ریگولیٹری اتھارٹی اوگرا نے ڈیزل، لائٹ ڈیزل، مٹی کے تیل کی قیمتوں میں اضافہ اور پٹرول کی قیمت میں 48 پیسے فی لیٹر کمی کا اعلان کیا ہے۔ گزشتہ شب اوگرا کے ایگزیکٹو ڈائریکٹر فنانس جواد نسیم نے پریس کانفرنس میں پیٹرولیم مصنوعات کی نئی قیمتوں کا اعلان کیا ہے جن کا اطلاق آج یکم ستمبر سے ہو گا۔ پٹرول کی قیمت 67 روپے 74 پیسے سے کم ہو کر 67 روپے 26 پیسے، ہائی اوکٹین ایچ او بی سی کی قیمت میں 49 پیسے فی لیٹر کمی کا اعلان کیا ہے جس کی قیمت 80 روپے 34پیسے سے کم ہو کر 79 روپے 85 پیسے فی لیٹر ہو گئی ہے۔ ہائی سپیڈ ڈیزل کی قیمت میں ایک روپے 57 پیسے فی لیٹر کا اضافہ کیا گیا ہے جو 73 روپے 3 پیسے سے بڑھ کر 74 روپے 60 پیسے ہو گئی ہے۔ لائٹ ڈیزل کی قیمت ایک روپے 32 پیسے فی لیٹر اضافہ سے 61 روپے 35 پیسے سے بڑھ کر 62 روپے 67 پیسے ہو گئی ہے۔ مٹی کے تیل کی قیمت میں 72 پیسے فی لیٹر کا اضافہ کیا گیا ہے جو 64 روپے 85 پیسے سے بڑھ کر 65 روپے 57 پیسے ہو گئی ہے۔ جیٹ فیول ون کی قیمت 69 پیسے اضافہ سے 55 روپے 45 پیسے فی لیٹر، جیٹ فیول 4 کی قیمت 69 پیسے فی لیٹر اضافے سے 55 روپے 56 پیسے جبکہ جیٹ فیول 8 کی قیمت 69 پیسے فی لیٹر اضافہ سے 55 روپے 15 پیسے فی لیٹر ہو گئی ہے۔ این این آئی کے مطابق فرنس آئل کی قیمت میں 10 روپے 42 پیسے اضافہ کیا گیا ہے جس کے بعد اس کی نئی قیمت 461 روپے 40 پیسے فی میٹرک ٹن ہو گئی ہے۔

روزنامہ جنگ راولپنڈی

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)