کراچی (آزاد دنیا نیوز) سندھ کے سینئر وزیر پیر مظہر الحق نے سندھ اسمبلی میں بجٹ پر بحث کے دوران خطاب کرتے ہوئے ایک مرحلے پر یہ کہہ دیا کہ ” نثار کھوڑو واجب القتل “ہیں جس پر پیر مظہر الحق نے فوری کہا کہ غلطی ہوگئی انہوں نے بابر اعوان کے لیے یہ بیان دیا تھا۔ اس موقع پر اسپیکر نثار احمد کھوڑو نے کہا کہ یہ آپ کے دل کی بات تو نہیں۔سینئر وزیر نے کہا کہ مجھے نہیں پتہ کہ میرے آئی پیڈ میں کس کی یوٹیوب ڈال دی‘ میں تو فرح خان کو جانتا بھی نہیں ہوں۔ میں اللہ کو حاضر و ناظر جان کر کہتا ہوں کہ میں مجرا نہیں دیکھتا۔ انہوں نے کہا کہ جن خواتین نے کبھی مجرا نہیں دیکھا انہیں کیسے پتا کہ یہ مجرا تھا۔میں سلام پیش کرتا ہوں ان لوگوں کو جنہوں نے اتنی دور سے آئی پیڈ پر مجرا دیکھ لیا۔اسپیکر نثار احمد کھوڑو نے کہا کہ میں ٹی وی چینلز پر دیکھتا ہوں کہ اجلاس کے دوران کئی ارکان موبائل فون استعمال کررہے ہیں سب کو احتیاط کرنی چاہیے۔ پیر مظہر الحق کا کہنا تھا کہ مولوی نواز شریف کے لیے ضروری نہیں ہے کہ وہ داڑھی رکھیں کیونکہ داڑھی تو ملا عمر اور گبر سنگھ کی بھی ہے۔انہوں نے مزید کہا ہے کہ نواز شریف کی داڑھی پیٹ میں ہے‘ حلوے والے ملا سے زیادہ وہ مولوی خطرناک ہوتا ہے جس کی داڑھی پیٹ میں ہو۔ ضیا الحق جیسے شیطان نے کہا تھا کہ میں مرجاﺅں گا تو میری روح موجود رہے گی۔ واقعی اس کی روح نواز شریف کی صورت میں موجود ہے۔ انہوں نے کہا کہ ہم نے پہلی دفعہ گڑھی خدا بخش میں خواتین کے لیے کیڈٹ کالج کھولا ہے۔ خواتین فوجی وردی پہنیں گی‘ وہ بریگیڈیئر اور جنرل بنیں گی ‘ خواتین مارشل لا بھی نہیں لگائیں گی کیونکہ وہ نرم دل ہوتی ہیں

”نثار کھوڑو واجب القتل ہیں“ پیر مظہر الحق کی زبان پھسل گئی،خواتین فوجی وردی پہنیں گی‘ وہ بریگیڈیئر اور جنرل بنیں گی ‘ خواتین مارشل لا بھی نہیں لگائیں گی کیونکہ وہ نرم دل ہوتی ہیں۔پیر مظہر الحق - Open Source انٹرنیشنل خبریں