08 ستمبر 2010
بیروت(نیٹ نیوز) شامی ٹی وی کے ایک سوپ اوپیرا میں سبز آنکھوں والی ایکٹریس لیلیٰ کے ایک ڈائیلاگ نے پورے مشرق وسطیٰ میں مخالفانہ رد عمل پیدا کیا ہے۔ ایک منظر میں لیلیٰ اپنا نقاب نوچ کر پھینکتی ہے اور کہتی ہے میں یہ دباﺅ اب زیادہ دیر برداشت نہیں کر سکتی۔ سوپ اویپرا دراصل ٹی وی ڈرامہ ہے۔ شروع میں ان ڈراموں کے دوراان صابن کے اشتہارات دکھائے جاتے جس پر انہیں سوپ اوپیرا کہا جانے لگا۔ شامی سوپ اوپیرا میں جب لیلیٰ اپنانقاب نوچ پھینکتی ہے تو معاشرہے اسے قبول کرنے سے انکار کر دیتا ہے ۔ ماں اس کے ٹیلی فون نہیں سنتی اور بھائی اسے قتل کرنے کے درپے ہے۔ تیس قسطوں کا یہ ڈرامہ شام کے سرکاری ٹی وی پر رمضان میں دکھایا گیا ۔ دو کروڑ بیس لاکھ آبادی والے اس ملک پر سیکیولر حکومت کا کنٹرول ہے جس نے انتہاءپسندی کو جڑ سے اکھاڑ پھینکا ہے ۔ اس ڈرامے کے نشر ہوتے ہی غضبناک لوگوں کی ٹیلی فون کالز کا سلسلہ شروع ہو گیا ۔ جولائی میں حکومت نے طالبات اور خواتین ٹیچرز کونقاب اوڑھنے سے روک دیا تھا۔ ڈرامے کے مصنف مجوت المنظور کا کہنا ہے یہ سچے واقعے پر مبنی ہے۔

__________________
جاویداسد