دمشق(اے ایف پی،رائٹر) شامی فورسزنے دمشق کے قریب بنی یاس نامی شہر میں کارروائی کے دوران شہریوں پر اندھا دھندفائرنگ کرکے 3خواتین کو ہلاک کردیا۔تفصیلات کے مطابق فورسز نے ٹینکوں اور بھاری توپ خانے کی مدد سے جس بنی یاس میں داخل ہونے کی کوشش کی تومقامی آبادی نے فورسزکو روکنے کے لیے انسانی ہاتھوں کی زنجیر بنائی تاہم فوسز نے لوگوں کو منتشرکرنے کے لیے لاٹھی چارج،آنسوگیس کا استعمال اور اندھادھند فائرنگ کردی جس کے نتیجے میں تین خواتین ہلاک ہو گئیں۔ہلاک ہونے والی تینوں خواتین مبینہ طور پرصدر بشارالاسدکے خلاف مظاہرے میں شریک تھیں۔
شام: فورسزکی شہریوں پراندھا دھند فائرنگ،3خواتین ہلاک