1 ستمبر 2010 17 : 20
نیویارک(نیٹ نیوز) نیویارک میں ایک شرابی نشے میں دس لاکھ تیس ہزار ڈالر مالیت کی نادر تصویر سے ہاتھ دھو بیٹھا۔ جیمز کارل ہیگرئی کو ایک عورت نے معروف فرانسیسی آرٹسٹ جیمز بیپٹسٹ کمائیل کی 1857کی پینٹنگز ”پورٹریٹ آف اے گرل“ فروخت کرنے کے لئے دی جسے لے کر وہ شہر کے فیشن ایبل علاقے مین ہٹن کے ایک ہوٹل میں پہنچا جہاں ایک گاہک منتظر تھا وہاں پہنچ کر ہیگرئی ہوٹل کے شراب خانے میں جانے کی خواہش کو دبا نہ سکا اور وہاں بیٹھ کر پیتا رہا۔ سیکیورٹی کیمروں میں ہیگرئی کو ہوٹل سے آدھی رات کے بعد تصویر کے ساتھ نکلتے ریکارڈ کیا گیا ہے مگر جب وہ دو گھنٹے کے بعد اپنے اپارٹمنٹ میں پہنچا تو تصویر کا کہیں نام و نشان نہ تھا۔ اگلے روز ہیگرئی نے تصویر کی مالک کو بتایا ” پتہ نہیں تصویر کہاں چلی گئی ہے میں نے اتنی زیادہ پی لی تھی کہ تصویر کا اور اپنا ہوش نہ رہا۔ تصویر کی مالک ٹرجن نے ہیگرئی کے خلاف مقدمہ درج کر دیا۔ لندن کا ڈیلر اور اوفر وائرمین اس تصویر کو خریدنے میں دلچسپی رکھتا تھا۔

__________________
جاویداسد