آج ٹی وی رپورٹ

پشاور: شمالی وزیرستان میں عسکریت پسندوں نے سیکورٹی فورسز سے لڑائی نہ کرنے کا اعلان کر دیا۔ شمالی وزیرستان میں حافظ گل بہادر کی زیر قیادت امن کمیٹی کی عسکری شوریٰ کا اجلاس ہوا۔ جس میں فیصلہ کیا گیا کہ سیکورٹی فورسز کے خلاف کوئی کارروائی نہیں کی جائے گی اور نہ ہی انہیں نشانہ بنایا جائے گا۔ شوریٰ نے فیصلہ کیا کہ کسی بھی مسئلہ کو مذاکرات سے حل کرنے کو ترجیح دی جائے گی۔ شوریٰ کا کہنا تھا کہ وہ حکومت کے ساتھ ہونے والے امن معاہدے پر قائم ہے۔ شوریٰ نے مطالبہ کیا کہ عام قبائل کے مسائل حل کئے جائیں کیونکہ ان مسائل کے باعث پیچیدگیاں پیدا ہو رہی ہیں۔