شوبز میرا شوق ہے، ساس کی بعض باتیں پسند نہیں، فضاعلی

**گلاب خان** · 04-02-11, 04:43 AM

کراچی(جنگ نیوز) معروف ماڈل و اداکارہ فضاعلی نے کہا ہے کہ زندگی میں نشیب و فراز آتے رہتے ہیں، ڈریس ڈیزائننگ کررہی ہوں، میری ساس اچھی ہیں بس ان کی کچھ باتیں اچھی نہیں لگتیں، زندگی میں نشیب وفرازآتے رہتے ہیں۔ انہوں نے ان خیالات کااظہار جیو ٹی وی کے پروگرام ”اٹھو جاگو پاکستان“ میں اس ہفتے منائے جانے والے ”جیو میرے سسرال“ میں کیا۔ جمعرات کا پروگرام نند اور سالی اسپیشل تھا۔ پروگرام میں زیبا شہناز پڑوسن ”پینو“ کا کردار نبھارہی تھیں۔ میزبان شائستہ واحدی کے ساتھ شو میں فضا علی اپنے شوہر فواد،ماڈل و اداکارہ نادیہ حسین اپنی بھابھی حرا کے ساتھ شریک تھیں۔ فضا علی نے کہا کہ میری ایک نند ہے، اس سے بہت دوستی ہے، میں کراچی آتی ہوں تو ہم ایک ہی کمرے میں خوب باتیں کرتے ہیں، مل کر کھانا کھاتے ہیں۔ میری شادی کو چار سال ہونے والے ہیں، زندگی میں نشیب و فراز آتے رہتے ہیں، لڑائی بھی ہو جائے توروٹھنے منانے کا سلسلہ ہوتا ہے اور اس سے بھی پیار بڑھتا ہے، فواد کو معلوم ہے کہ شوبز میرا شوق ہے، اگر مجھے گھر بٹھایا تو مرجھا جاﺅں گی اس لئے فواد منع نہیں کرتے لیکن اگر منع کریں گے تو سب چھوڑ دوں گی۔ میری ساس اچھی ہیں بس ان کی کچھ باتیں جو مجھے اچھی نہیں لگتیں وہ یہ ہیں کہ وہ کسی سے بھی ناراض ہوتی ہیں تو پتہ نہیں چلتا، میرا خیال ہے کہ ناراضی کا پتہ چلنا چاہئے۔ فضا کے خاوند فواد نے کہا کہ جہاں اعتبار ہو وہاں بھڑکانے والے رشتے دار وں سے فرق نہیں پڑتا، میری فیملی میں فضا سے شادی پر باتیں بنیں لیکن جب میرے گھر والے فضاسے ملے تو ان کے خیالات بدل گئے، دراصل کسی کے بارے میں مل کر ہی معلوم ہوتا ہے، سسرال میں سالی کے ساتھ بہت دوستی ہے، شادی کے بعد والدہ اور بیوی کے درمیان لڑکے کو توازن رکھنا پڑتا ہے، بعض اوقات آفس سے واپسی پر تھکن یا کسی بھی وجہ سے دل چاہتا ہے کہ صرف آرام کرو اور بات نہ کرو لیکن یہ بولتی رہتی ہیں تو غصہ آجاتا ہے لیکن اب عادی ہوگیا ہوں، اب فضا بولتی بھی ہے تو سو جاتا ہوں، ویسے فضا خاموش ہوجائے تو بھی پریشان ہوجاتا ہوں کہ کہیں کوئی نہ کوئی گڑ بڑ ضرور ہے۔ نادیہ حسین نے کہا کہ میری بھابھی میرے بھائی کی پسند ہیں، ہماری فیملی میں پسند کی شادی پر کوئی اعتراض نہیں ہے، سسرال میں سب سے بنتی ہے، نند اور جیٹھ ملک سے باہر رہتے ہیں، اس لئے ان سے جب بھی ملاقات ہوتی وہ خوشگوار ہی ہوتی ہے، میری ساس اردو بولتی ہیں، سسرال کے ساتھ دوستی کے رشتے میں فاصلہ رکھنا بھی ضروری ہے، ہر وقت مصروف نہیں رہتی، اتوار کو بالوں میں تیل لگائے، آنکھوں پر چشمہ لگائے اور بالکل سادہ سے حلےے میں سنڈے بازار چلی جاتی ہوں، لوگ وہاں بھی تصویریں کھینچتے ہیں، ساس مزاج کی اچھی ہیں، گھر کا بجٹ و خریداری وہ کرتی ہیں تاکہ مجھے کچھ نہ کرنا پڑے، میرے بچوں کا بہت خیال کرتی ہیں، ان کی خامی یہ ہے کہ ان کو غصہ جلدی آجاتا ہے وہ اپنی پسند کے مطابق کام چاہتی ہیں، نہ ہو تو انہیں برا لگتا ہے، خاندان میں کوئی فنکشن ہو تو ساس پہلے ہی پوچھ لیتی ہیں کہ تم فارغ ہو یا نہیں لیکن وہ اگر کہیں ضروری جانے کے لئے کہیں تو میں پوری کوشش کرتی ہوں کہ وہاں پہنچ جاﺅں، شہر میںنہ ہوں تو وہ میری مصروفیات کو سمجھتی ہیں۔ نادیہ حسین کی بھابھی حرا نے کہا کہ نادیہ نند برائے نام ہیں، میری دوست اور بہن کی طرح ہیں، نند ہیں، گند نہیں ہیں، ان کی خامی یہ ہے کہ یہ غصے کی بہت تیز ہیں، انہیں جب غصہ آتا ہے تو چھپڑ پھاڑ کر آتا ہے، شو میں شائستہ کی بھابھی فریحہ نے بھی ٹیلی فون پر اپنی نند شائستہ کے بارے میں اظہارِ خیال کیا، انہوں نے کہا کہ میری نند میری دوست ہے اور میری فیملی کی جان ہے، وہ اپنی زندگی میں بہت مصروف رہتی ہیں لیکن جب بھی ہم ملتے ہیں تو وہ لمحات یادگار بن جاتے ہیں۔ بھابھی کے جملے سن کر شائستہ آبدیدہ ہوگئیں۔ شو کے آخر میں ایس ایم ایس کرنے والے ناظرین کوبذریعہ قرعہ اندازی انعامات بھی دیئے گئے۔

روزنامہ جنگ راولپنڈی

**عروج** · 04-02-11, 07:14 AM

آئے ھائے ھائے۔۔۔۔۔۔ کیا پروگرام تھا۔۔۔۔۔۔۔۔ مس ھو گیا۔ او،ھو۔

**گلاب خان** · 05-02-11, 01:27 AM

السلام علیکم ورحمۃ اللہ وبرکتہ
پچھتائے اب کیا ہووت

04-02-11, 07:14 AM	#2
عروج Senior Member تاریخ شمولیت: Aug 2010 مقام: islamabad عمر: 40 مراسلات: 3,708 کمائي: 43,221 شکریہ: 11,479 2,270 مراسلہ میں 5,225 بارشکریہ ادا کیا گیا	آئے ھائے ھائے۔۔۔۔۔۔ کیا پروگرام تھا۔۔۔۔۔۔۔۔ مس ھو گیا۔ او،ھو۔ Share Share this post on Digg Del.icio.us Technorati Twitter Facebook!

05-02-11, 01:27 AM	#3
گلاب خان Senior Member تاریخ شمولیت: Oct 2008 مقام: راولپنڈی مراسلات: 4,483 کمائي: 94,085 شکریہ: 1,535 2,972 مراسلہ میں 8,225 بارشکریہ ادا کیا گیا	السلام علیکم ورحمۃ اللہ وبرکتہ پچھتائے اب کیا ہووت Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
پسندیدہ باتیں	wajee	گپ شپ	2	16-09-10 03:29 PM
بھارت میں مسلم عسکریت پسند تخریبی کارروائیاں کر سکتے ہیں، خفیہ ادارے	خرم شہزاد خرم	خبریں	0	05-01-08 08:18 AM
بینظیر اپنے بیانات سے نفرتیں ابھار رہی ہیں، ارباب رحیم	عبدالقدوس	خبریں	0	25-12-07 12:02 PM
پسند کے ممبر سے پسندیدہ سوال کریں،	مسٹر رائٹ	گپ شپ	63	14-09-07 09:00 PM

Currently Active Users Viewing This Thread: 1 (0 members and 1 guests)