شہر میں 8 تا 10 گھنٹے غیر اعلانیہ لوڈ شیڈنگ معمول بن گیا
کراچی (اسٹاف رپورٹر) شہر کے مختلف علاقوں میں مجموعی طور پر 8 تا 10 گھنٹے بجلی کی غیر اعلانیہ لوڈ شیڈنگ جاری رہی۔ دن اور رات کے اوقات میں 3 سے 4 مرتبہ 2 تا 3 گھنٹوں کا تعطل معمول ہوگیا ہے جس کی وجہ سے شہری شدید گرمی میں اذیت اور پریشانی میں مبتلا ہیں۔ صنعتی علاقوں میں بھی 5 تا 10 گھنٹے لوڈ شیڈنگ کے باعث صنعتی پیداواری عمل بھی متاثر ہورہا ہے۔ ہفتے کو فیڈرل بی ایریا بلاک 2، 4، 7، 9، 12، 15 گلشن یاسین، گلشن شمیم، گلشن اقبال، نیوکراچی، نارتھ کراچی، لیاقت آباد، گلبہار، ناظم آباد، برنس روڈ، ملیر، بلدیہ ٹاؤن، گلستان جوہر اور دیگر علاقوں میں بجلی کے بریک ڈاؤن جبکہ بن قاسم پاور پلانٹ نمبر4 بند ہونے کی اطلاعات بھی ملی ہیں۔

__________________