10 نومبر 2010
لاہور (مانیٹرنگ ڈیسک )ایوان وزیر اعلی لاہور کے سامنے پولیس اور حساس ادارے کے اہلکاروں نے صحافیوں کو تشدد کا نشانہ بنایا جس سے اے آر وائی نیوز لاہور کے چیف رپورٹر میاں اسلم اور ایکسپریس کے عمران خان سمیت پانچ صحافی زخمی ہوگئے۔نجی نیوز چینلز کے مطابق حساس ادارے اور پولیس کے اہلکاروں نے صحافیوں کو تشدد کے بعد حساس ادارے کی عمارت میں حراست میں رکھا۔ صحافیوں پر بیس اہلکاروں نے تشدد کرنے کے سات ساتھ گالیاں،جان سے مارنے کی دھمکیاں دیںاور موبائل فون سے بھی چھین لئے گئے۔ اس واقعہ کے خلاف مال روڈ پر صحافیوں نے سخت احتجاج کیا جس سے روڈ بلاک ہوگیا۔جس کے بعد تشدد میں ملوث پانچ پولیس اہلکاروں کو گرفتار کرلیا گیا ۔اس واقعہ کے خلاف مال روڈ پر صحافیوں نے سخت احتجاج کیا جس سے روڈ بلاک ہوگیا۔ تاہم بعد ازاں حکام کی ہدایت پر صحافیوں پر تشدد میں ملوث پانچ پولیس اہلکارگرفتار کر لئے گئے ہیں۔ صحافیوں نے مطالبہ کیا ہے کہ صحافیوں پر تشدد میں ملوث پانچ حساس اداروں کے اہلکاروں کو بھی گرفتار کیا جائے۔

__________________
جاویداسد