گلاب خان

اوباما نے کہا کہ فوج پر سویلین کنٹرول ضروری تھا۔
ایسا اگر کوئی حکومتی سربراہ پاکستان میں کرتا تو کیا فوج اسے آسانی سے قبول کرلیتی؟؟؟

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)

عبدالقدوس

ڈیوڈ پٹریاس کہیں اگلا صدر تو نہیں کیونکہ آجکل اسے بھی جگہ مل رہی ہے

پاکستانی

جنرل میکرسٹل نے کیا کیا تھا ؟

ARHAM

بی بی سی کی یہ رپورٹ ملاحظہ کریں :

ARHAM

جنرل میک کا یہ اعتراف اوبامہ اور مغرب کے لیے قابل قبول نہیں ہونے کی ایک وجہ سمجھ میں آتی ہے کہ ان کی اپنی کچھ پالیسیز ہیں جن کے خلاف جنرل میک نے بیان دیا ۔۔اس کی اتنی " کڑی " سزا تو انھیں ملنی ہی تھی
لیکن گزشتہ دنوں وائٹ ہاؤس سے 57 سال سے وابستہ صحافی ہیلن تھامس جنہوں نے اسرائیل کے خلاف بیان دیا کی اب اسرائیل کو فیسطینی علاقوں سے چلا جانا چاہیئے
جا کا عزم تھا کہ ان کی موت ہی انھیں اس ذمہ داری سے ہٹا سکتی ہے ۔۔
کو بھی اس بیان کی پاداش میں برطرف کر دیا گیا ۔۔۔ جو کہ سمجھ سے باہر ہے ۔۔جبکہ صحافت میں اظہار رائے کی آزادی کا سبق مغرب ہمیں تو خوب پڑھاتا ہے لیکن جب خود کو اس صورتحال کا سامنا ہوتا ہے تو ڈھول کا پول کھل جاتا ہے ۔۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

عبداللہ آدم

فرنگ کی رگ جاں پنجہ یہود میں ہے۔۔۔۔۔۔۔۔۔۔۔۔۔۔۔

محمدخلیل

اگلا صدر میرے خیال سے برٹپٹ ہوگا
انجلینا جولی کا خاوند ماجد

عبدالقدوس

خاوند نامدار تو سنا تھا یہ خاوندماجد کی اصلاح کہاں سے نکال لائے بھائی؟

محمدخلیل

امانت چن سے سنا ہی ہوگا

Fawad

جرنل مککسٹرل کے حاليہ استعفے کا امریکہ کی افغانستان ميں مجموعی پاليسی پر کوئ اثر نہيں پڑے گا۔ اس ضمن ميں راۓ زنی اور تجزيے محض بےبنياد تاثر پر مبنی ہيں جن کا حقائق سے کوئ تعلق نہيں ہے۔ صدر اوبامہ نے اپنے بيان ميں اس بات کو واضح کر ديا تھا۔

"ميرے اس فيصلے کا جرنل مککسٹرل کے ساتھ پاليسی کے معاملے ميں کسی اختلاف سے کوئ تعلق نہيں ہے۔ ہم حکمت عملی پر مکمل طور پر متفق ہيں۔ اس ضمن ميں کوئ ابہام نہيں ہونا چاہيے۔ ہمارا واضح ہدف ہے۔ ہم القائدہ اور اس کی قيادت پر دباؤ اور پريشر جاری رکھيں گے اور اس کے ساتھ افغانستان اور پاکستان کی صلاحيتوں ميں اضافہ کريں گے تا کہ وہ بھی اس مقصد ميں ہمارا ساتھ دے سکيں۔ ہم نے اسی حکمت عملی پر اتفاق راۓ قائم کيا تھا۔ اور اسی پاليسی پر ہم پاکستان اور افغانستان ميں عمل پيرا ہيں۔

ميں امريکی عوام پر يہ واضح کر دينا چاہتا ہوں کہ يہ فرد کی تبديلی ہے، پاليسی کی نہيں"۔

کچھ فورمز پر دی جانے والی راۓ کے برعکس کسی فرد کی تبديلی کا امريکہ کی مبينہ شکست يا امريکی افواج کو افغانستان ميں درپيش چيلنجز سے کوئ تعلق نہيں ہے۔ يہ ياد رہے کہ امريکہ کے نظام حکومت ميں مجموعی طور پر ادارے پاليسی تشکيل دينے کی ذمہ دار ہوتے ہيں اور افراد ان پاليسی فيصلوں پر عمل درآمد کرتے ہيں۔ يہی بنيادی اصول فوجی قيادت پر بھی لاگو ہوتا ہے۔ سول قيادت کا فوج پر کنٹرول ہمارے جمہوری نظام کی بنيادی اساس ہے۔ اس تناظر ميں صدر کی جانب سے کسی بھی پاليسی بيان پر عمل درآمد فوج پر ايک ادارے کی حيثيت سے لازم ہے۔ اس ادارے سے وابستہ افراد اجتماعی سطح پر صدر کے اعلان کردہ پاليسی کو کامياب بنانے کے لیے کوشاں رہتے ہيں۔

يہ درست ہے کہ جمہوريت اداروں پر انحصار کرتی ہے جو افراد کے مقابلے ميں مضبوط اور اہم ہوتے ہيں۔ اس اصول ميں ملٹری کمانڈ کا ضوابط کی پاسداری اور سول قيادت کا فوجی کمانڈ پر کنٹرول اور اس کا احترام بھی شامل ہے۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State

عبدالقدوس

یار وہ دہشت گردی کے خاتمہ کی مد میں ملنے والی رقم باقی کب تک ہمیں مل رہی ہے اور بقیہ ایف 16 کب ملیں گے جب ٹیڑے ہوجائیں گے؟

Fawad

پاکستانی فضائيہ کو 18 نۓ ايف – 16 فيلکن طياروں کی ترسيل امريکہ اور پاکستان کے مابين تعلقات ميں بہتری کو اجاگر کرتے ہيں۔

يہ ايف – 16 طيارے جون 26 کو پاکستان پہنچ گۓ ہيں اور 15 مزيد طيارے آئندہ چند ماہ کے دوران پاکستان منتقل کر ديے جائيں گے۔ دونوں ممالک کی فضائيہ کے درميان بڑھتے ہوۓ بہتر اور مضبوط تعلقات کے ضمن ميں يہ واضح علامت ہے جس کے دونوں ممالک پر فوری اور مثبت اثرات مرتب ہوں گے۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State

عبدالقدوس

بھائی چند ماہ تو کئی برسوں سے نہیں آئے کوئی اعداد و شمار کی جادوگری چلائیں اوربتائیں زرا کیا صرف پاکستانی سیاست دان ہی جھوٹ کا سہارا لیتےہیں یا ساری دنیا میں یہ چلتا ہے

Fawad

امريکہ ميں اظہار راۓ کی آزادی کے ضمن ميں اپنے موقف پر قائم ہوں کہ امريکی معاشرے ميں رائج قوانين اور آئين اس بات کو يقينی بناتے ہيں کہ بغير کسی تفريق کے ہر شخص کو اپنی سوچ کے مطابق بات کہنے کا حق حاصل ہے۔ اس ايشو پر ميں نے مختلف فورمز پر جو پوسٹنگز کی ہيں ان ميں يہ جملہ بھی شامل تھا

"امريکی حکومت کسی مخصوص گروہ کے خلاف دانستہ تشدد کی ترغيب کے سوا آزادی راۓ پر کوئ پابندی نہيں لگاتی"۔

يہ درست ہے کہ صحافی ہيلن تھامس کو کسی بھی ايشو کے حوالے سے اپنی راۓ دينے کی آزادی ہے۔ ليکن ان کے بيان نے ايک غير جانب دار صحافی کی حيثيت سے ان کے کردار پر کئ سوالات کو جنم ديا۔ اس کے علاوہ امريکہ ميں ايک طبقے کے نزديک انھوں نے ايک مسخ شدہ تاريخ کو دہرانے کی بات کی ہے۔

قانونی نقطہ نظر سے صحافی ہيلن تھامس نے کسی جرم کا ارتکاب نہيں کيا اور محض اپنے حق کا استعمال کيا ہے۔ اسی آزادی راۓ کے حق کا استعمال وہ اپنے پورے صحافتی کيرئير کے دوران بارہا کر چکی ہيں۔ امريکی حکومت کا صحافی ہيلن تھامس کے استعفے کے واقعے سے کوئ تعلق نہيں ہے اور ان کے مستقبل کے حوالے سے مختلف افواہوں سے قطع نظر يہ بات يقينی ہے کہ انھيں امريکی حکومت کی جانب سے کسی تاديبی کاروائ کا سامنا ہرگز نہيں کرنا پڑے گا۔

يہ حقيقت بھی پيش نظر رہنی چاہيے کہ جو آئينی حقوق صحافی ہيلن تھامس کو اس بات کی اجازت ديتے ہيں کہ وہ اپنی راۓ کا اظہار کريں وہی حقوق دوسروں کو بھی اس بات کی اجازت ديتے ہیں کہ وہ ان کی راۓ پر تنقيد کر سکيں۔

صحافی ہيلن تھامس نے اپنے اوپر کی جانے والی تنقيد کے پيش نظر بذات خود اپنے عہدے سے مستعفی ہونے کا فيصلہ کيا ہے۔ انھيں اپنی راۓ دينے کی پاداش ميں قانونی چارہ جوئ کا سامنا نہيں کرنا پڑا۔ امريکہ ميں ايسا کوئ قانون موجود نہيں ہے جو کسی بھی شخص کے خلاف کسی مخصوص مذہب، فرقے يا سياسی نظريے کے خلاف بولنے کی پاداش ميں قانونی مقدمے کا سبب بنے۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State