صدر مشرف کا دورہ چین اور بائیو فورم ایشیاء سے خطاب
ہینن+بیجنگ۔۔۔۔۔۔۔۔ صدر پرویز مشرف نے ماحول کی ترقی اور تحفظ کےلئے جدید ٹیکنالوجی کی مفت منتقلی کی ضرورت پر زور دیتے ہوئے کہا ہے کہ پائیدار ترقی اور ماحول کی بقاء کو یقینی بنایا جائے، بائو فورم کے تعاون سے انقلابی ترقی حاصل کی جا سکتی ہے، براعظم ایشیاء کےلئے یہ فورم اہم اور اس فورم سے تعاون سے انقلابی ترقی حاصل کی جا سکتی ہے، ہم توانائی کےلئے صرف تیل پر بھروسہ نہیں کر سکتے ہمیں دیگر اور پائیدار ذرائع کی ضرورت ہے، ہمیں آئندہ نسلوں کےلئے پائیدار ماحولیات اور اقتصادی سکیموں کی ضرورت ہے۔ ان خیالات کا اظہار انہوں نے گزشتہ روز یہاں بائو فورم فار ایشیاء سے خطاب کرتے ہوئے کیا۔ اس دوران صدر پرویز مشرف نے کہا کہ ماحول کی ترقی اور تحفظ کےلئے جدید ٹیکنالوجی کی مفت منتقلی کی ضرورت ہے تاکہ پائیدار ترقی اور ماحول کی بقاء کو یقینی بنایا جائے۔ انہوں نے کہا کہ عظیم ایشیا ء کےلئے یہ فورم اہم ہے اور اس فورم کے تعاون سے انقلا بی ترقی حاصل کی جاسکتی ہے۔ انھوں نے کہا ہم مشترکا طور اہم چیلنجز کا سامنا کر رہے ہیں، ہمیں غر بت ، توانائی اور خوارک کے مسائل کا سامنا ہے۔انہوں نے کہا کہ اس وقت بھی دنیا میں خط غربت سے کم سطح پر زند گی گزار نے والوں کی تعداد بہت زیادہ ہے۔صدر نے کہا کہ ہم توانائی کےلئے صرف تیل پر بھروسا نہیں کر سکتے ، ہمیں دیگر اور پائیدار ذرائع کی ضرورت ہے۔صدر پرویز مشرف نے کہا کہ ہمیں آئندہ نسلوں کےلئے پائیدار ماحولیات اور اقتصادی اسکیموں کی ضرورت ہے۔ انھوں نے کہا کہ پاکستان ترقی اور کامیابی کےلئے مختلف شعبوں میں کام کررہا ہے، صاف پانی کی فراہمی اور توانائی بنیادی شعبے ہیں جن پر کام جاری ہے۔ماحولیاتی مسائل ایشیا کے ساتھ ساتھ دنیا میں بھی اہم ہیِں،ماحولیاتی مسائل پر قابو پانے کےلئے مشترکا کوششوں پر کام جاری ہے۔پائیدار ترقی اور ماحول کی بہتری کےلئے مشترکہ عالمی کوششیں لازمی ہیں۔صدر مشرف نے چین اور اس کے عوام کو اولمپکس کی میز بانی پر مبارک باد دی۔ باؤ فورم سے آسٹریلیا کے وزیر اعظم کیون رڈ اور چلی کی صدر،وزیر اعظم قازقستان، منگولیا کے صدراور سری لنکا کے صدر سمیت مختلف ممالک کے سربراہ نے بھی خطاب کیا۔اس سے پہلے چین کے صدر ہوجن تاؤ نے فورم کا باقاعدہ افتتاح کیا۔ فورم میں آسٹریلوی وزیر اعظم کیون رڈ، صدر پر ویز مشرف ، سوئیڈن کے وزیر اعظم فریڈک رینفلڈ اور تائیوان کے نائب صدر ونسٹ سیو سمیت مختلف ممالک کے سربراہ شرکت کر رہے ہیں۔