کراچی (رپورٹ ، ج ر) صدر پرویز کی دوستانہ پالیسیوں اور قیادت پر مکمل اعتماد ہے۔ ان خیالات کا اظہار بھارتی قومی سلامتی کے مشیر ایم کے نرائینن نے جنگ سے گفتگو کرتے ہوئے کیا انہوں نے کہا کہ کشمیر میں جاری دہشت گردی پاکستان کے تعاون سے روکی جاسکتی ہے۔ انہوں نے کہا کہ بھارت پاکستان کے حالات اور الیکشن کے معاملات پر مکمل نگاہ رکھے ہوئے ہے لیکن اسے موجودہ صورتحال پر کوئی فکر مندی نہیں کیونکہ پرویز مشرف کی قیادت میں جو ٹیم کام کر رہی ہے بھارتی قیادت کو اس پر مکمل اعتماد ہے۔ انہوں نے کہا کہ عالمی دہشت گردی کے خاتمے کیلئے پاکستان کا کردار اچھا ہے ہم پاکستان کی قیادت کو بار ہا کہہ چکے ہیں کہ وہ کشمیر کے اندر ہونے والی دہشت گردی کے خاتمے میں بھارت کے ساتھ تعاون کرے۔

__________________