کراچی . . . نگراں وزیر اعلی سندھ ڈاکٹر عبد القادر ہالیپوتہ نے کہا ہے کہ صدرپرویز مشرف کی مدبرانہ کوششوں سے مسئلہ کشمیر کے حل کی راہ ہموار ہو رہی ہے۔وہ کراچی میں مزار قائد کے سامنے یوم یکجہتی کشمیر ریلی سے خطاب کر رہے تھے۔ ریلی کا اہتمام کراچی کی شہری حکومت نے کیا تھا ۔نگراں وزیر اعلی سندھ نے کہا کہ کشمیر کا مسئلہ کشمیریوں کی خواہشات کے مطابق جلد از جلد حل ہونا چاہیے اور اس سلسلے میں حکومت پاکستان کشمیریوں کے شانہ بشانہ ہے ۔ان کا کہنا تھا کہ مسئلہ کشمیر کے حل کے لیے صدرپرویز مشرف کی کوششیں قابل فخر ہیں ۔اس موقع پر حریت کانفرنس کے رہنما اشرف صراف نے خطاب کرتے ہوئے کشمیریوں کے ساتھ اظہار یکجہتی پر حکومت پاکستان ،پاکستانی عوام اور خصوصا سندھ کے عوام کا شکریہ اد اکیا ۔انہوں نے کہا کہ پاکستان کی حمایت اور اظہار یکجہتی سے کشمیری عوام کا حوصلہ بلند ہوا ہے۔کشمیریوں کی جدو جہد وہاں سے بھارتی فوج کے انخلا تک جاری رہے گی ۔

__________________