ایک اخباری رپورٹ کے مطابق کوہاٹ میں اندھیرے میں 16افراد نے گھر میں داخل ہوکر نبیلہ نامی لڑکی کو اٹھا کر 6دن حبس بے جا میں رکھا ۔جس میں صوبہ پختون خواہ کے وزیر جیل خانہ جات میاں نثارگل بھی ملوث تھے جس کی کوہاٹ کے ایڈیشنل سیشن جج اصغرشاہ نے ضمانت لے لی تھی۔ جس کا سپریم کورٹ نے ازخود نوٹس لیا اور چیف جسٹس افتخارمحمد چوہدری کی سربراہی میں‌جسٹس غلام ربانی اور جسٹس خلیل الرحمان رمدے پر مشتمل تین رکنی بینچ نے اس کی سماعت کی ۔ایڈیشنل سیشن جج کوہاٹ اصغر شاہ نے دوران سماعت صوبائی وزیر میاںنثار گل کی ضمانت کا غلط حکم دینے کا اعتراف کیا اس پر چیف جسٹس نے مذکورہ جج کی سخت سرزنش کرتے ہوئے کہا کہ آپ نے کس قانون کے تحت ناقبل ضمانت جرم کی ضمانت دی ہے ٹرائل ہوئے بغیر ملزم کی ضمانت منظورکرلی ہے آپ نے اس سلسلے میں قانون بھی توڑ دیا آپ جج بننے کے اہل نہیں اگر ملزم وزیر نہ ہوتے تو کیا آپ اس کی ضانت دے دیتے آپ ایک وزیر کے دبائو میں آگئے اور قانون توڑ ڈالا۔ جج کا کام ہی قانون کی پاسداری ہے آپ کو دبائو کے باوجود قانون کے مطابق فیصلہ کرنا چاہیےتھا ۔ اور یہی ایک جج کی ذمہ داریاں ہیں اس پر عدالت عظمٰی نے ایڈیشنل سیشن جج کو ان کے عہدے سے فوری طور پر معطل کردیا۔اس موقع پر جسٹس رمدے نے کہا کہ آپ انصاف کرنے کے قابل نہیں آپ کے پاس اپنی غلطی کا مداویٰ‌کرنے کےلئے چھ دن تھے لیکن آپ نے اسے ضائع کیا سماعت کے دوران صوبائی وزیر جیل خانہ جات میاں نثارگل سے جب عدالت نے استفسارکیا توانہون نے کہا کہ ان کی جان کوخطرہ ہے طالبان نے ان پر حملے کئے تھے اس وجہ سے جیل کے 15اہلکار ان کی سیکورٹی پرتعینات ہیں۔اس پر عدالت نے قرارد دیا کہ آپ کس قانون کے تحت آپ کو یہ ذاتی سیکورٹی دی گئی ہے ۔جسٹس رمدے نے کہا کہ جب آپ جیل میں جائیں گے تو 5ہزار سیکورٹی اہلکار آپ کی خدمت پر مامور ہونگے اور وہاں آپ کی جان کو کوئی خطرہ نہیں‌ہوگا۔اس موقع پر ایڈووکیٹ جنرل نے عدالت کو بتایا کہ مذکورہ وزیر کی ضمانت تنسیخ‌کےلئے درخواست دے دی گئی ہے اس پر چیف جسٹس پشاورہائیکورٹ کو حکم دیا کہ وہ اس واقعہ کی انکوائری کرکے ذمہ داران کے خلاف کاروائی کریں اور آئندہ پیشی 11جون کو رپورٹ پیش کریں

__________________
جاویداسد