لاہور ( پ ر) صومالیہ میں بحری قزاقوں نے چار پاکستانیوں کی رہائی کیلئے انصار برنی ٹرسٹ انٹرنیشنل کے سربراہ اور سابق وفاقی وزیر برائے انسانی حقوق انصار برنی ایڈووکیٹ کی اپیل پر منگل کو پانچ دن کی مہلت دیدی ہے اور تاوان کی رقم پانچ ملین ڈالرز سے کم کر کے اب 23 لاکھ امریکی ڈالرز کر دی ہے مگر خبردار کیا ہے کہ اگر رقم پانچ دنوں میں ادا نہیں کی گئی تو چاروں پاکستانیوں کو قتل کر دیا جائے گا جبکہ اس سے قبل تاوان کی پاکستانیوں کے اہل خانہ سے رقم پانچ ملین ڈالرز طلب کی گئی تھی اور جب انصار برنی نے ان بحری قزاقوں کو بتایا کہ چاروں پاکستانی سفید پوش خاندانوں سے تعلق رکھتے ہیں اور اتنی رقم ادا نہیں کرسکتے اور رقم کا بندوبست بھی انسانی ہمدردی کی بنیادوں پر انصار برنی ٹرسٹ ہی کرے گا تو منگل کو قزاقوں نے رقم کا مطالبہ کم کر کے اب 23 لاکھ امریکی ڈالرز کر دیا ہے۔ ان 4 پاکستانیوں کو صومالیہ کے بحری قزاقوں نے پانی کے جہاز ایم وی سوئز کے ہمراہ ایڈن کے سمندر سے گزشتہ سال 2 اگست کو اغوا کرلیا تھا جس کے بعد سے یہ پاکستانی انتہائی کسمپرسی اور تکلیف دہ حالت میں کھلے سمندر میں ان قزاقوں کی قید میں زندگی اور موت کی کشمکش سے دوچار ہیں۔

روزنامہ جنگ راولپنڈی

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)