اسلامی جمہوریہ ایران کے صدر جناب احمدی نژاد نے یوم قدس کےعظیم جلوس سے خطاب کرتے ہوے کہا ہےکہ فلسطین اور علاقے کے ملکوں میں حریت پسند تحریکوں میں تیزی آنے سے صیہونی حکومت کے حامیوں کو یہ یقین ہوچلا ہےکہ صیہونی حکومت کا استحکام ناممکن ہے۔ صدر جناب احمدی نژاد نے تہران میں نماز جمعہ سے قبل لاکھوں افراد سے خطاب میں کہا کہ صیہونی حکومت کی بنیاد ہل رہی ہے اور مغربی ممالک علاقے کے حالات سے غلط فائدہ اٹھا کر مزید مراعات حاصل کرنا چاہتےہیں۔ انہوں نے فلسطین کی قدیمی تاریخ کی طرف اشارہ کرتےہوئے کہا کہ مغربی ممالک اپنے جرائم پر پردہ ڈالنے کے لئے دوحکومتوں یعنی صیہونی حکومت کے کنارے فلسطینی حکومت کی تشکیل کا پروپگينڈا کررہے ہیں۔ انہوں نے کہاکہ سامراج اب اضمحلال کی طرف بڑھ رہا ہے اور نیٹو اور مغربی ممالک ہرگز سلامتی اور عدل و انصاف قائم نہيں کرسکتے۔ صدر جناب احمدی نژاد نے کہا کہ مغربی ممالک فلسطینیوں کی سرزمیں کے بارےمیں مذاکرات کا ڈھونگ رچا کر انہیں اختلافات سے دوچار کرنا چاہتےہیں۔ انہوں نے کہا کہ صیہونی حکومت صرف فلسطینیوں کے خلاف نہیں ہے بلکہ اس غاصب حکومت کی تاسیس اور اس کا جاری رہنا تمام انسانی اصولوں اور اقدار کی خلاف ورزی ہے۔ صدر جناب احمدی نژاد نے کہا کہ صیہونی حکومت تمام عالمی مجرموں کا مرکز ہے اور اس کے مقابل یوم قدس تمام موحدین اور ظلم مخالف لوگوں کا نقطہ اتحاد ہے اور اس کا ھدف صیہونی حکومت کو مکمل طرح سے ختم کرنا ہے۔صدر جناب احمدی نژاد نے کہا کہ مغربی ملکوں نے دنیا کو اپنے مسائل میں گرفتار کرنے کے لئے صیہونی حکومت کی بنیاد رکھی تھی اور آج یہ غاصب حکومت وحشی سامراجیوں اور تسلط پسندوں کے اتحاد کا مرکزاور سامراجیوں نیز بردہ داروں کے وحشیانہ کردار کا مظہر بن چکی ہے۔ انہوں نے کہا کہ صیہونی حکومت کو مغربی دنیا کی طرف سے یہ ذمہ داری ملی ہےکہ وہ علاقے کو ہمیشہ کشیدہ رکھے علاقے کو دھمکیاں دیتی رہے اور اختلافات پھیلاتی رہے نیز جارحیت اور ٹارگٹ کلنگ کا نشانہ بھی بناتی رہے تاکہ اس علاقے میں سامراجیوں کے تسلط کی زمین ہموار ہوسکے۔
urdu.irib.ir

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات