اسلام آباد ... وفاقی وزیر دفاع چوہدری احمد مختار نے کہا ہے کہ پاکستان امریکی حملوں کے خلاف اپنے ملک کا دفاع کرے گا ، ان کا کہنا تھا کہ ضروری نہیں کہ تلوار اٹھائیں ، امن سے بھی دفاع کیا جا سکتا ہے ، مشیر برائے مذہبی امور حامد سعید کاظمی سے ملاقات کے بات میڈیا سے گفتگو کرتے ہوئے احمد مختار کا کہنا تھا کہ پاکستان امریکی حملوں کا جواب دے سکتا ہے ،انہوں نے کہا کہ ہماری 80ہزار فوج پاک افغان بارڈر پر موجود ہے ہم کسی کو یہ حق نہیں دیں گے کہ وہ ہماری سرحدوں پر حملہ کرے ، انہوں نے کہا کہ پاکستان نے اسٹیٹ ڈیپارٹمنٹ اور پینٹاگون سے بات کی ہے اور انہوں نے یقین دہانی کرائی ہے کہ وہ آئندہ حملے نہیں کریں گے ، اس موقع مشیر مذہبی امورحامد سعید کاظمی کا کہنا تھا کہ ہماری خواہش ہے کہ عازمین حج کو ریلیف فراہم کیا جا سکے ۔