حیدر

اسے کہتے ہیں پیار سے جوتے مارنا۔ پاکستان ۔۔انکار کر رہا ہے دراندازی سے۔ اور افغانیوں نے کمال کر دیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
جلال الدین حقانی ہمارا حصہ ہیں الگ فورس نہیں‘ افغان طالبان
اسلام آباد(سلیم صافی) افغان طالبان نے اعلان کیا ہے کہ جلال الدین حقانی طالبان کا حصہ ہیں۔ کوئی الگ فورس نہیں ہیں اور امریکا اپنی منظم کوشش کے ذریعے مجاہدین کے درمیان دراڑ ڈالنے کی کوشش کررہا ہے۔ یہ دعویٰ ملا عمر کے ترجمان قاری محمد یوسف نے اپنے ایک بیان میں کیاہے۔ ان کے اس اعلان کا مکمل متن اس طرح سے ہے۔ ”امریکا اسلامی امارات کی قوت کو کمزور دیکھنا چاہتا ہے اور اس کے حملوں کو دوسروں پر تھوپنا چاہتا ہے۔ امریکی حکام اور باالخصوص جنرل پیٹریاس بار بار جھوٹ بول کر اور اپنی قوم کو غلط معلومات پہنچا کر افغان صورتحال میں اپنے آپ کو اوپر رکھنا چاہتے اور غلط دعوے کرکے اپنے آپ کو مشکل صورتحال سے نکالنا چاہتے ہیں۔ اس صورتحال نے ان کو مجبور کردیا ہے کہ وہ پاکستان کی مداخلت کا شور مچائیں۔ وہ ایسا اس لئے کررہے ہیں کہ افغان مزاحمت کیخلاف وہ کمزور ہوچکے ہیں۔ اس لئے وہ کہہ رہے ہیں کہ نئے حملے پاکستان کی مداخلت ہے؟۔ اس برس اسلامی امارات کی طرف سے آپریشن ”بدر“ بہت کامیاب رہا اور قابض اتحادی فوجوں کے زیادہ ترارکان اس نتیجے پر پہنچے کہ وہ اس جنگ کو نہیں جیت سکتے اور جس قدر جلد ہو‘ اپنی فوجوں کو نکالنے کا ارادہ کررہے ہیں۔ اس وجہ سے بھی انہیں اپنے عوام کی طرف سے دباؤ کا سامنا ہے۔ اس لئے امریکا اپنے عوام کو بتانا چاہتا ہے کہ افغانستان کی اندرونی صورتحال اسکے کنٹرول میں ہے اور حالیہ مزاحمت پاکستانی مدد کی بدولت ہورہی ہے اور اگروہ پاکستان پر دباؤ ڈالتا ہے اور مداخلت کوروکتا ہے تو صورتحال اسکے کنٹرول میں آجائیگی۔ اس طرح اتحاد کو طول دینے کیلئے اپنے اتحادی رکن ممالک کو بھی دھوکا دینا چاہتاہے۔ امریکا اپنے جھوٹ کی بدولت ایسا تاثر دینا چاہتا ہے کہ انتہائی اہم جہادی شخصیت اور اسلامی امارات کی رہنما کونسل کے رکن الحاج مولوی جلال الدین حقانی کوئی مختلف فورس ہیں۔ دوسری طرف وہ مجاہدین کو یہ دکھانا چاہتا ہے کہ وہ بکھرے ہوئے ہیں اور ہماری اہم شخصیت کو غیر ملکی انٹیلی جنس ایجنسی کے ساتھ باندھ کر بدنام کرنا بھی چاہتا ہے۔ امریکا مختلف حربوں سے پاکستان میں افراتفری پھیلانا چاہتا ہے۔ اس کی حکومت کو کمزور کرنا چاہتا ہے۔ اس لئے وہ چاہتا ہے کہ پاکستانی حکومت کا شہریوں کے ساتھ ٹکراؤ ہو‘ اس طرح وہ ایک دوسرے کے ساتھ لڑیں اور یہ ظاہر کیاجائے کہ وہاں پر دہشتگردوں کی پناہ گاہیں ہیں۔ اسلامی امارات آف افغانستان ایک بار پھر دنیا کو بتانا چاہتی ہے کہ اسلامی امارات اس وقت اتنی طاقتور اور متحد ہے جتنی کہ اس سے پہلے کبھی نہیں تھی۔ اس کو اپنی قوم کی بڑے پیمانے پر حمایت حاصل ہے اور افغانستان کے آدھے علاقے پر اس کا کنٹرول ہے۔ ہمارے پاکستان میں کوئی بیس نہیں ہیں اور نہ ہی ہمیں ضرورت ہے کہ ان حالات میں اپنے ملک سے باہر رہائش رکھیں۔ ملک کے اندر تمام فوجی اور سویلین کارروائیاں اور اقدامات ہمارے اپنے ہیں۔ محترم مولوی جلال الدین حقانی اسلامی امارات کے انتہائی قابل احترام اور معزز شخصیت ہیں اور آپریشنز کیلئے اسلامی امارات کے رہنما سے ہر قسم کی رہنمائی لیتے ہیں۔ ہمارے خیال میں بے بنیاد الزامات‘ مزید ہلاکتوں اور اپنی ناکامیوں پر پردہ ڈالنے کیلئے مسلسل کارروائیوں کے بجائے امریکا اور اسکے اتحادیوں کیلئے یہ بہتر ہوگا کہ جتنا جلد ہو‘ افغانستان پر سے قبضہ ختم کردیں۔ ایسا کرنا اب ان کیلئے ناگزیرہوچکا ہے۔ موجودہ صورتحال کے تناظر میں ہم اپنی مجاہد افغان قوم سے کہتے ہیں وہ دشمن کے بے بنیاد الزامات اور پروپیگنڈہ پر کان نہ دھریں جس طرح کے قوم پہلے ہی جانتی ہے کہ امریکا کیخلاف ہماری جہاد میں عنقریب کامیابی اسی طرح سے ایک خالصتاً اسلامی اور قومی جہاد ہے جس طرح کہ ہماری آزادی کیلئے جدوجہد ہے۔

غلام خان

اللھم اعز الاسلام والمسلمین

حیدر

اسی بارے میں ایک کارٹون