تحریک طالبان پاکستان نے کہا ہے کہ سوئس سیاح ہمارے پاس ہیں اور انہیں اس وقت رہا کیا جائے گا جب امریکہ ڈاکٹر عافیہ صدیقی کو رہا کرے گا۔

جنوبی وزیر ستان میں امریکی خبررساں ادارے سے گفتگو کرتے ہوئے طالبان کے نائب امیر ولی الرحمان نے کہا کہ 2 سوئس سیاحوں کو بلوچستان سے طالبان کے کہنے پر اغوا کیا گیاہے اور اس وقت وہ ہمارے قبضے میں ہیں ۔ان کی رہائی پاکستانی سائنسدان کی رہائی سے مشروط ہے ۔انہوں نے ایک سوال کے جواب میں کہا کہ سوئس سیاحوں پر کوئی تشدد نہیں کیا جارہا بلکہ انہیں تمام سہولیات مہیا کی گئی ہیں تاہم اگر امریکہ نے ڈاکٹر عافیہ کو رہا نہ کیا تو سیاحوں کی قسمت کا فیصلہ طالبان کی عدالت کرے گی۔

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں