طالبان کی جانب سے دی گئی آج کی ڈیڈ لائن حتمی

طالبان نے خبردار کیا ہے کہ ان کی جانب سے دی گئی آج کی ڈیڈ لائن حتمی ہے اور اگر ہمارے گرفتار افراد کو رہا نہیں کیا گیا تو مغویوں کو قتل کردیا جائے گا جبکہ افغان حکومت نے ڈیڈ لائن میں مزیددو دن کا اضافہ کرنے اپیل کی ہے ۔طالبان ترجمان قاری محمد یوسف نے بتایا ہےکہ افغان حکومت نے حتمی ڈیڈ لائن دینے کے بعد سے اب تک کوئی رابطہ نہیں کیا ہے۔ترجمان کا کہنا تھا کہ ڈیڈ لائن حتمی ہے اور اگر ہمارے مطالبات پورے نہیں کئے گئے تو مغوی باشندوں کو قتل کردیا جائے گا۔دوسری جانب صوبہ غزنی کے گورنر کا کہنا ہے کہ افغان حکام نے طالبان سے ڈیڈ لائن میں دو دن کا اضافہ کرنے کی اپیل کی ہے جسے انہوں نے رد نہیں کیا تاہم طالبان کا کہنا ہے کہ وہ اس بارے میں اپنے رہنماوٴں سے بات کریں گے۔(30جولائي 2007)