چاچا کمال

صوبہ سرحد کے ضلع سوات سے پہلی مرتبہ ایک ایسی ویڈیو منظر عام پر آئی ہے جس میں حلیے سے طالبان معلوم ہونے والے افراد ایک لڑکی کو سرعام کوڑوں کی سزا دے رہے ہیں۔تاہم حکومت اور طالبان نے اس خاص واقعہ کی تردید کی ہے تاہم اس بات کی تصدیق کی کہ ماضی میں خواتین کو کوڑوں کی سزائیں دینے کے واقعات پیش آئے ہیں۔

موبائل فون سے بنائی گئی یہ دو منٹ کی ویڈیو اب سرعام دستیاب ہے۔ ویڈیو میں سرخ جوڑے میں ملبوس ایک جوان سال لڑکی کو دکھایا گیا ہے جسے زمین پر الٹا لِٹاکر کوڑے مارے جارہے ہیں۔

ویڈیو میں یہ بھی دکھایا گیا ہے کہ طالبان کے حُلیے میں ایک شخص لڑکی کو پشت پر کوڑے برسارہا ہے جبکہ ایک شخص اس کے پیروں اور دوسرے نے جسم کے اوپر کے حصے کو دبوچا ہوا ہے۔ اس موقع پر درجنوں افراد دائرے میں کھڑے اس منظر کو دیکھ رہے ہیں۔

سزا دینے والے افراد آپس میں پشتو زبان میں بات کرتے ہیں اور لڑکی چیختی چلاتی پشتو میں فریاد کرتی ہے کہ ’میرے باپ کا توبہ ، میرے دادا کا توبہ آئندہ ایسا نہیں کرونگی۔‘ وہ شدت درد سے بار بار التجا کرتی ہے کہ ’خدا کے لیے کچھ صبر کرو‘ مگر مارنے والا شخص کہتا ہے کہ ’تم نے کہا تھا مجھے ماردو مگر اب تو میرے پاس چھری بھی نہیں ہے۔‘

پندرہ سے زائد کوڑے مارنے کے بعد وہ لوگ لڑکی کو چھوڑ دیتے ہیں اور اٹھتے ہی لڑکی شٹل کاک برقعہ میں ملبوس نظر آتی ہے۔ اس وقت ان میں سے بڑی داڑھی والا ایک شخص اس سے قریب واقع ایک کمرے میں لے جاتا ہے۔ چیخ و پکار اور باتوں سے وہ تقریباً بارہ سے سترہ سال کے درمیان کی عمر کی معلوم ہوتی ہے۔

اس سلسلے میں دس کے قریب مقامی لوگوں سے رابطہ کیا گیا تو کافی مشکلات کے بعد انہوں نے صرف واقعہ کی تصدیق کی اور کہا کہ واقعہ سوات کی تحصیل کبل کے کالا کلی میں پیش آیا ہے۔ مقامی لوگ بظاہر خوف کی وجہ سے مزید معلومات دینے سے انکار کررہے ہیں۔ یہ بھی معلوم نہیں ہوسکا کہ لڑکی کون ہے اور انہیں کس بات پر سزا دی جارہی ہے۔

طالبان ترجمان مسلم خان سے رابطہ کیا گیا تو انہوں نے کہا کہ خواتین کو کوڑے مارنے کی سزا کا واقعہ حالیہ دنوں میں پیش نہیں آیا ہے۔ انہوں نے اس خاص واقعہ سے بھی لاعلمی کا اظہار کیا البتہ انہوں نے اس بات کی تصدیق کی کہ امن معاہدے سے قبل مولانا فضل اللہ کے حکم پر خواتین کو سزائیں دی جاتی تھیں۔

انہوں نے کہا کہ ماضی میں خواتین کو سرعام سزائیں نہیں دی گئیں بلکہ مولانا فضل اللہ نے حکم دیا تھا کہ خواتین کو جب بھی سزا دینی ہو تو انہیں کمرے کے اندر کوڑے مارے جائیں۔ مسلم خان کے بقول انہوں نے ماضی میں ایسی خواتین کو سزائیں دی ہے جو بقول ان کے گھر سے بھاگ گئی تھیں یا پھر انہیں مبینہ طور پر ' غیر اخلاقی حرکات' میں ملوث پایا گیا تھا۔

ملاکنڈ ڈویژن کے کمشنر سید محمد جاوید سے بھی جب اس بابت رابطہ کیا گیا تو انہوں نے بھی اس طالبان ترجمان مسلم خان کے مؤقف کی تائید کی اور کہا ممکن ہےماضی میں خواتین کو ایسی سزائیں دی گئی ہوں۔ان کے بقول امن معاہدے کے بعد طالبان نے اپنی نجی عدالتیں ختم کردی ہیں۔

ابھی تک یہ معلوم نہیں ہوسکا ہے کہ آیا یہ واقعہ حکومت اور طالبان کے درمیان ہونے والے امن معاہدے سے پہلے یا بعد میں پیش آیا ہے لیکن یہ اس لحاظ بہت ہی سنگین واقعہ ہے کہ سوات میں ایک خاتون کو سرعام کوڑوں کی سزادی جارہی ہے۔اس سے قبل طالبان نے کئی دفعہ ان مرد حضرات کو لوگوں کے سامنے کوڑوں کی سزائیں دی تھیں جن پر مختلف نوعیت کے الزامات لگائے گئے تھے۔


اگر کسی کے پاس اصل ویڈیو ہو تو لگائیں۔۔۔۔ ویسے تالی بانوں کے حمائتی اس کے حق میں بھی کچھ نہی کچھ نکال لائیں گے۔۔۔

فیصل ناصر

واہ چاچا کمال کردیا
ان باتوں پر اجر کی امید اللہ ہی سے رکھئے
بلا شبہ اللہ ہی انصاف کرنے والا

کبھی عورتوں پر کاروکاری کے الزام لگا کر مادینے والوں کے بارے میں بھی لکھئے
جو سچ بھی ہے
کبھی عورتوں کو سرعام برہنہ کرکے ان کے جلوس نکالنے والوں کے بارے میں بھی لکھئے
جو سچ ہے
کبھی پنچائت کے حکم پر اجتماعی زیادتی کرنے والوں پر بھی لکھئے
جو سچ ہے




لیکن آپ کی تان تو ٹوٹتی ہے بے چارے طالبان پر جو چاہے جھوٹ سچ لکھ دو
آخر آقا کا حکم بھی یہی ہے
لگتا ہے نوکری مل ہی گئی آپکو پنٹا گون میں
مبارک ہو

عبداللہ حیدر

چاچا کمال کو کچھ کہنا میں نے تو چھوڑ دیا ہے۔ انہیں ان کے حال پر چھوڑ دیں۔ اللہ سب کی حقیقت سے خوب واقف ہے۔

shafresha

لیجیئے اس دہشت ناک منظر کی ویڈیو کا لنک حاضر ہے۔ اگر یہ لوگ طالبان نہیں‌بھی ہیں‌ تو بھی انہیں‌ "طلابان" جیسے لوگوں کی حمایت/پشت پناھی ضرور حاصل ہے۔
خود "اَمرد" لڑکوں کے ساتھ منہ کالا کرنے والے دین کے نام نہاد ٹھیکیدار ایک لڑکی کو "شرعی" سزا دے رہے ہیں۔
"طلابان" کے نام نہاد قوانین مردہ باد۔

منتظمین

یہ ایک بہت ہی خوفناک اور دہشت انگیز فعل ہے۔ کیا کوئی پشتو جاننے والا اس کا اردو ترجمہ کر سکتا ہے؟

__________________
"یہ ضروری تو نہیں کہ ہم جن سے محبت کرتے ہیں ان کے ساتھ زندگی بھی بتا سکیں"

فاروق سرورخان

نہ عدالت، نہ پیشی، نہ شنوائی، نہ قوانین قرآنی اور نہ ہی قوانین انسانی۔ بس حیوانیت سے بھرپور تالی بانی ---
تالی بان : تالیاں‌بجانے والا زنخا ۔ کہ مردانہ وار مقابلہ سے عاری اور چھپ چھپ کر بزدلانہ حملوں‌ کا شائق ، تالی بان

حیدر Rehan

اللہ کا عذاب ہے اسے لوگوں کے لیے کہ خود تو ۔ ۔ قوم لوط والی حرکات کریں اور جو زرہ برابر بھی کوی جرم سرزد وہ تو سرے عام اس پر ظلم کیا جاے ۔ ۔ ۔

سود کا کاروبار ساری دنیا جانتی ہے کہ یہی لوگ کرتے ہیں ، ، ، لیکن جو خود کریں وہ کچھ نہیں ۔ ۔ ۔ ۔ ۔ ستر ستر سال کی عمر میں اٹھ اٹھ شادیاں کرنے والے کم عمر لڑکیوں سے اج اسلام کی باتیں کرتے ہیں ۔ ۔ ۔ عورتوں کو غلام سمجھنے والے ، ، سودہ کرتے ہیں انسانیت کا۔ ۔ ۔ ۔

ایسی ویڈو افغانستان کی بھی کتنی ہی موجود ہیں ، ، ،
اور اگر کوی کارو کاری ، ، جیسے عمل کہ اچھا سمجھتا ہے وہ بھی انہی میں شامل یے ۔ ۔ ۔

فیصل ناصر

ہر پشتو بولنے والا طالبان
خوب تشریح ہے بھئی

آپ لوگوں کی سمجھداری کی تو داد دینی پڑے گی
اور فاروق سرور خان آپ تو ۔۔۔

چلیں اسی ویڈیو پر بات کرلیں
1۔ کہاں سے ثابت ہوتا ہے کہ اس ویڈیو میں یہ سزا دینے والے طالبان ہیں
2۔ یہ کہاں سے معلوم ہوا کہ اس عمل سے پہلے اس کی شنوائی نہیں ہوئی یا اس پر مقدمہ نہیں چلا
3۔ اگر یہ لڑکی یا عورت جو بھی ہے واقعی کسی ایسے جرم کی حامل ہے جو اوپر ذکر ہوا( بدکاری ) تو شرع کیا تجویز کرتی ہے

اور ذرا یہ بھی بتادیں کے بغیر مکمل ثبوت کسی پر الزام تراشی کرنے کے بارے میں کیا حکم آیا ہے " یہاں یہ بات بھی شمار کرنا ضروری ہوگی کہ متعلقہ شخص یا متعلقہ گروہ سے الزام لگانے والے کا ذاتی عناد بھی شدید ہو جو آپ کے الفاظ میں نمایاں ہے "

فلحال ان باتوں کے جواب دیں اس پر مزید بات میں نماز کے بعد کرتا ہوں

حیدر Rehan

فرعون جسا ظالم جب دریا میں ڈوبنے لگا تو اس نے حضرت موسی سے کہا کہ میں ایمان لایا تیرے رب پر اے موسی مجھے بچا لے، ، مجھے بچا لے ، مجھے بچالے ۔ ۔
تو اللہ نے پکار کر کہا اے فرعون اگر تو مجھے ایک بار بھی مدد کے لیے پکارتا تو مجھے قسم ہے اپنی ربوبیت کی میں تجھے بچا لیتا ۔۔ ۔ ۔ ۔ ۔۔ ۔ کیا خیال ہے کہ اس بچی کا کون سا ایسا عمل تھا جو اللہ معاف نہ کرتا ۔ ۔ ۔ ۔اور یہ اسلام کے ٹھیکیدار بن گیے ۔ ۔

فیصل ناصر

اس بنیاد پر تو دنیا کے سارے ڈاکو چور قاتل زانی
سب کو معاف کردینا چاہئے
پھر تو سزا کا تصور ہی ختم
خوب

اللہ کا اپنے بندے سے کیا معاملہ ہے یہ اللہ اور بندے کے بیچ ہے
قوانین میں کیا ہے یہ بات کریں

ٹھیکیدار تو آپ لوگ بن رہے ہیں بلاثبوت بلا علم کے الزام تراشیاں اور فتوے دئے جا رہے ہیں






.

منتظمین

زانی کی سزا رجم ہے اگر وہ شادی شدہ ہو۔ اور غیر زانی کی سزا 100 کوڑے جو کہ اس عمل میں شامل نہیں ہیں۔
کونسا اخلاقی / اسلامی قانون عورت کی اس طرح سرعام تذلیل کی اجازت دیتا ہے، ماسوائے رجم کے۔

فیصل ناصر

فلحال میں منتظر ہوں اپنی 8 نمبر پوسٹ کے جواب کا

حیدر Rehan

حضرت نوع علیہ سلام طوفان کے بعد ، ، روزگار کے لیے مٹی کے برتن بنانے اور بیجنے کا حکم دیا۔ ۔ ۔
ایک روز ایک فرشتہ ایا اور حضرت نوح سے کچھ کھلونے / برتن خریدے اور حضرت نوح کے سامنے توڑ دیے ۔ ۔ ۔ حضرت نوح نے کہا اے شخص تجھے اگر پسند نہ آے تھے تو تو میرے سامنے تو نہ اسے توڑتا ، ، کہیں اور جاکر توڑدیتا ۔ ۔ مجھے بہت دکھ ہوا تیری اس حرکت پر۔ ۔
تو آواز قدرت ائی اے نوح ، ، تجھ سے یہ مٹی کہ بے جان کھلونے اور برتن کے ٹوٹنے کا دکھ برداشت نہیں ہوتا ، ، اور تو نے مجھ سے میرے بناے ہوے لوگوں پر عذاب کی بددعا کی، ، اور تو جانتا ہے تھا کہ نبی کی دعاییں میں رد نہ کرسکوں گا
وہ میرا انکار کرتے تھے ، ، تو میں جانو یا وہ جانے ، تیرا کام تو صرف پیغام دینا تھا ،مجھے بہت افسوس ہے کہ تو نے ایسی بددعا بھی کی ۔ ۔ ۔ ۔

فیصل ناصر

جی ایسا ہوگا
لیکن یہ مکمل بات نہیں کی آپ نے ۔ اس کا جواب بھی دیتا ہوں


پر اس کے ساتھ دو اور سوال بھی تھے اس بارے بھی کچھ بیان کریں

فیصل ناصر

نماز کا وقت ہوا چاہتا ہے