طالبان کے خلاف چھوٹے بموں کےاستعمال کی دہمکی

نیٹو نے کہا ہے کہ افغانستان میں عام شہریوں کی ہلاکتوں کو کم کرنے کے لئے فوجی اتحاد طالبان کے خلاف کارروائی میں چھوٹے بموں کا استعمال کرے گا۔برطانوی اخبار کو انٹرویو میں نیٹو کے سیکریٹری جنرل جاپ ڈی ہوپ شیفر نے کہا کہ طالبان کے ساتھ جھڑپوں میں عام شہریوں کی ہلاکتوں سے چھبیس ملکی فوجی اتحاد کی ساکھ متاثر ہوئی ہے ، ان کا کہناتھا کہ افغانستا ن میں جاری تنازعے میں عام شہریوں کے جانوں کے ضیاع کو بالکل ختم کرنا ناممکن ہے ، جاپ ڈی ہوپ شیفر کا کہنا تھاکہ نیٹو کمانڈرز نے اپنی37ہزار افواج کو مطلع کیا ہے کہ ان حالات میں جہاں عام شہریوں کے مارے جانے کا خدشہ ہو۔ طالبان کے خلاف حملے نہ کئے جائیں ۔افغانستان میں اس وقت پچاس ہزار غیر ملکی افوج موجود ہیں جو زیادہ تر نیٹو کی کمانڈ میں ہیں ۔ گزشتہ ماہ افغان صدر حامد کرزئی نے الزام عائد کیا تھا کہ آئی سیف افواج جون کے مہینے میں نوے افغان شہریوں کی ہلاکت کی ذمہ دار ہیں۔(30جولائي 2007)