|
طرابلس سمیت پورے ملک پر کنٹرول حاصل کرلیا، باغیوں کا دعویٰ، قذافی مذاکرات پر تیار
29-08-11, 03:42 AM
طرابلس، برلن (جنگ نیوز، ایجنسیاں) لیبیا میں باغی فورسز نے دعویٰ کیا ہے کہ انہوں نے دارالحکومت طرابلس سمیت پورے ملک پر مکمل کنٹرول حاصل کر لیا ہے۔ غیر ملکی میڈیا کے مطابق باغیوں کے ایک ترجمان نے کہا ہے کہ قذافی کی فورسز کے آخری دستوں کو بھی طرابلس سے باہر دھکیل دیا گیا ہے اور شہر میں زندگی معمول کی جانب لوٹنا شروع ہو گئی ہے دوسری جانب طرابلس میں پانی بجلی اور خوراک کی عدم دستیابی کی اطلاعات بھی ہیں۔ باغی رواں ہفتے کے شروع میں طرابلس میں داخل ہوئے تھے۔ معمر قذافی تاحال لاپتہ ہیں اور ان کی تلاش جاری ہے۔دریں اثناءلیبیا میں شہریوں نے حکومت مخالفین کو سحری اور افطار میں کھانا ان کے مورچوں میں پہنچانا شروع کر دیا ہے دارالحکومت طرابلس میں درجنوں نوجوان بوڑھے اور بچے رضا کارانہ طور پر حکومت مخالفین کیلئے سحری افطار اور رات کا کھانا تیار کر رہے ہیں جنہیں ڈبوں میں پیک کر کے مورچوں پر تقسیم کیا جا رہا ہے ان افراد کا کہنا ہے کہ وہ یہ سب کام اپنی خوشی سے کر رہے ہیں اور قومی عبوری کونسل کی فورسز کو رمضان المبارک کی وجہ سے صرف افطار اور سحر کے وقت ہی کھانا فراہم کیا جا رہا ہے۔ ادھر جرمن چانسلر انجیلا مرکل نے کہا ہے کہ لیبیا کے رہنما معمر قذافی کے خلاف بین الاقوامی عدالت برائے جرائم میں مقدمہ چلایا جائے ایک انٹرویو میں انہوں نے کہا کہ وہ معمر قذافی کے خلاف مقدمہ چلانے کے حق میں ہیں۔ برطانوی ریڈیو کے مطابق کرنل قذافی کے ایک ترجمان کے مطابق وہ اقتدار کی منتقلی پر بات چیت شروع کرنے کے لےے تیار ہیں۔ ترجمان نے ایک خبر رساں ادارے سے بات کرتے ہوئے کہا کہ اس بات چیت میں قیادت کرنل قذافی کے بیٹے سعدی کریں گے ۔
طرابلس
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,494
شکریہ: 1,550
2,973 مراسلہ میں 8,226 بارشکریہ ادا کیا گیا
|
|
29-08-11, 03:42 AM
Linear Mode
Similar Threads
