عالمی مارکیٹس کریش ہونے کی وجہ امریکا کی دنیا بھر میں فوجی مداخلت ہے،ایران
نیو یارک...ایرانی صدر محمود احمدی نژاد نے کہا ہے کہ عالمی مارکیٹس کریش ہونے کی وجہ امریکا کی دنیا بھر میں فوجی مداخلت ہے۔امریکی اخبار کو دئے گئے ایک انٹرویو میں صدر احمدی نژاد نے کہا کہ ایران کے ایٹمی معاملے کے خلاف مہم صرف بش انتظامیہ اور ان کے چند دوست ممالک چلا رہے ہیں ۔انھوں نے کہا کہ عالمی مارکیٹس کریش ہونے کی وجہ دنیا بھر میں امریکا کی بے جا مداخلت ہے۔انھوں نے کہا کہ صورتحال اچانک خراب نہیں ہوئی۔امریکی حکومت نے عراق میں جنگ کے فیصلے سمیت کئی غلطیاں کی ہیں اور امریکی فوج کی مختلف ممالک میں کارروائی کے باعث امریکا کی اقتصادیات پر اثر پڑا ہے۔ اس کی وجہ سے عالمی مارکیٹس مزید نقصان برادشت نہیں کرسکتیں۔ صدر احمدی نژاد نے کہا کہ ایران امریکا کیساتھ محاذآرائی نہیں چاہتابلکہ دونوں ممالک کے درمیان خوشگوار تعلقات چاہتا ہے۔