امریکہ کے قرضوں کے بحران اور کریڈٹ ریٹنگ میں کمی سے دنیا بھر کی مارکیٹوں میں مجموعی خسارے کی مالیت چند دن میں ہی 78 کھرب ڈالرز تک پہنچ گئی۔
اُدھر امریکی صدر اور اقتصادی ماہرین کا مسلسل یہ کہنا ہے کہ کریڈٹ ریٹنگ میں کمی سے امریکہ کی معیشت متاثر نہیں ہو گی۔ اس کے باوجود پوری دنیا کی سٹاک مارکیٹوں میں شئیرز کی فروخت کا سلسہ جاری ہے۔ ایک بڑی امریکی انوسٹمنٹ کمپنی کے ایگزیکٹو کا کہنا ہے کہ سرمایہ کار گھبراہٹ میں پہلے شئیرز بیچ رہے ہیں اور بعد میں پوچھتے ہیں کہ اس کا معیشت پر کیا اثر ہوگا۔ ایشین اور یورپی مارکیٹس میں مندی کا تسلسل آج بھی جاری رہا، ٹریڈنگ کے دوران کچھ مارکیٹوں میں ریکوری دیکھی گئی تاہم اختتام مندی پر ہی ہوا۔ ایم ایس سی آئی،وڑلڈ انڈیکس اور ایشیاء پیسفک انڈیکس میں دو فیصد سے زیادہ کی کمی ہوئی۔ دوسری طرف شیئرز مارکیٹ میں مندی نے عالمی بانڈز مارکیٹ میں تیزی پیدا کر دی اور ایک ہفتے میں گلوبل بانڈز انڈیکس کی مالیت میں ایک سو بتیس ارب ڈالرز کا اضافہ ہو گیا۔

__________________
تم قاتل نہیں ہو پیشہ ور گدھے!