تاریخی پس منظر

8 مارچ دنیا بھر میں‌ عورتوں کی اپنے حقوق کے حوالے سے جدوجہد کی علامت ہے اور اسے عورتوں کی عالمی تحریکوں‌میں‌ ایک اہم مقام حاصل ہے ۔ اس دن کا تاریخی پس منظر یہ ہے کہ 8 مارچ 1907ء کو نیو یارک (امریکہ) کی لباس سازی کی صنعت سے وابستہ سینکڑوں کارکن عورتوں نے مردوں‌کے مساوی حقوق اور بہتر حالات کار کے لیے زبردست مظاہرہ کیا۔ ان کا نعرہ تھا ’’دس گھنٹے کام کے عوض ہمیں اچھی تنخواہیں دو‘‘۔ پولیس نے ان عورتوں پر لاٹھی چارج کیا۔ پولیس والے گھوڑوں پر سوار تھے اور زخمی عورتوں کو گھوڑوں کے ساتھ گھیسٹ رہے تھے۔ کئی عورتوں کو گرفتار کرکے جیل میں‌ڈالا گیا ۔ پھر 8 مارچ 1908ء ہی کو نیا یارک میں سوئی سازی کی صنعت کی کارکن عورتوں نے ووٹ کے حق اور بچوں کی جبری مشقت کے خاتمے کے لیے مظاہرہ کیا۔ ان کے جلوس پر پولیس نے لاٹھی چارج کیا اور زخمی حالت میں گرفتار کرکے جیل بھیج دیا۔
1910ء میں معروف سماجی کارکن راز ٹیکن نے ایک بین الاقوامی فورم میں‌سفارش کی کہ 8مارچ1907ء اور 1908ء میں‌اپنے حقوق کے لیے جدوجہد کرنے والی عورتوں‌کے ساتھ اظہار یکجہتی کے لیے ہر سال 8 مارچ کو عورتوں کا عالمی دن منایا جائے تاکہ کہیں عورتوں کے خلاف نا انصافیوں ، جبر و استحال اور ان کے حقوق کی نفی ہو وہاں‌اس دن عورتیں پوری دنیا میں‌اپنے حقوق کے لیے متحد ہو کر آواز بلند کریں اور اس طرح حکومتیں‌بھی عورتوں‌کے مسائل کی طرف توجہ دیں۔ کلا راز ٹیکن کی اس سفارش کو سراہا گیا اور 8 مارچ عدل و انصاف پر مبنی معاشرہ کی تشکیل کے لیے عورتوں کی جدوجہد کے دن کے طور پر منایا جانے لگا۔


------
عالمی یوم خواتین کی مناسبت سے کوئٹہ میں‌بھی مختلف سرکاری وغیر سرکاری اداروں اور تنظیموں‌کی جانب سے تقاریب کا اہتمام کیا گیا۔


صوبائی وزیر راحیلہ درانی نے کہاہے کہ خواتین کو حقوق دلانے کے لیے معاشرے کے ہر فرد کو کردار ادا کرنا ہوگا۔ وہ کوئٹہ کے مقامی میںبلوچستان جینڈرنیٹ ورک کے زیر اہتمام خواتین کے عالمی دن کی مناسبت سے منعقدہ سیمینارسے خطاب کررہی تھیں۔ راحیلہ درانی نے کہا کہ عورت کو اسلام میں تمام حقوق اور بلند مقام حاصل ہے ہمیں اسلامی تعلیمات پر عمل کرتے ہوئے خواتین کو ان کے حقوق دینے چاہئیں۔ انہوں نے کہا کہ مذہب اسلام تما م مرد و خواتین پر تعلیم فرض ہے لیکن ہمارے معاشرے میں لڑکیوں کو تعلیم کے حصول میں سخت مشکلات کا سامنا ہے جنہیں دور کرنے کے لیے ہم سب کو کردار ادا کرنا ہوگا۔ ان کا کہنا تھا کہ پاکستان میں ترقی یافتہ ممالک کی نسبت خواتین پر تشدد کی شرح کم ہے تاہم خواتین پر تشدد کے واقعات کی مکمل روک تھام کے لیے شعور اجاگر کرنے کی ضرورت ہے۔راحیلہ درانی نے کہا کہ معاشرے میں انصاف نہیں، سچ کہنا مشکل ہوگیا ہے اور 99فیصد عوام کو انصاف کی امید نہیں ہوتی۔ انہوں نے کہاکہ لیڈر شپ کی کمی کے باعث ملک بحرانوں کا شکار ہے۔سیمینار سے مہمان مہمان خاص وویمن یونیورسٹی کی وائس چانسلر شاہدہ جعفری، سابقہ سینیٹر روشن خورشید بروچہ، زیب النساءغرشین و دیگر نے بھی خواتین کی ترقی اور ان پر تشدد کے خاتمے کے حوالے سے اپنے خیالات کا اظہار کیا ۔ انہوں نے کہا کہ ہم سب کو خواتین کے خلاف نا انصافیاںاور جبر و استحصال کے خلاف متحد ہوکر آواز بلند کرنی چاہیے ، انہوں نے کہا کہ حکومت بھی خواتین کے مسائل کے حل کی طرف توجہ دینی چاہیے۔سیمینار کے شرکاءکو بتایاگیا کہ بلوچستان جینڈر نیٹ ورک صوبے میں جینڈر (مرد و خواتین کا معاشرتی کردار) کے حوالے سے سر گرم ہے اور اس سلسلے میں آگاہی اور تربیت کی مختلف سرگرمیوں کے ذریعے عوام میں شعور اور ذمہ داریوں کا احساس پیدا کررہا ہے ۔بلوچستان جینڈر نیٹ ورک کے ممبر ارکان ایک ہنر ایک نگر (آہن )،دانش، بیج، بی آر ایس پی، کنسرن ورلڈ وائڈ،سی آر ایس، فیملی پلاننگ ایسوسی ایشن پاکستان، آئی ڈی او، پی آئی ڈی ایس، روٹری کلب، آر ڈی ایچ آر ، سنجوگ پاکستان ،سیو دی پور، سحر، ایس ایم اے آرٹی، ویس اور تعمیر فاﺅنڈیشن شامل ہیں ۔ اس موقع پرفیملی پلاننگ ایسوسی ایشن کی جانب سے ٹیبلو پیش کیا گیا جبکہ سیمینار کے اختتام پر دستکاری، ملبوسات اور دیگر گھریلو اشیاءکی نمائش کا اہتمام بھی کیا گیا۔ اس موقع پر مختلف تنظیموں کی جانب سے اسٹائلز لگائے گئے۔
٭٭٭٭٭٭٭٭٭٭٭٭

خواتین کے عالمی دن کے موقع پر عورت فاﺅنڈیشن اور ہوم نیٹ پاکستان کے زیر اہتمام ایک روزہ سیمینار منعقد ہوا جس کی مہمان خصوصی محترمہ رقیہ ہاشمی تھیں ، سیمینار کا مقصد خواتین کے حقوق کی اہمیت کو اجاگر کرنا ، ان پر ہونے والے ریاستی، معاشرتی اور سیاسی تشدد کی روک تھام کے لیے سول سوسائٹی تنظیموں کے ساتھ مل کر آواز بلند کرنا اور اس کی مذمت کرنا، مزید خواتین کونسلرز اور سیاسی پارٹیوں سے وابستہ خواتین کو آنے والے بلدیاتی اداروں کے انتخابات کے لیے متحرک کرنا اور خواتین بحیثیت ووٹرز رجسٹریشن اور نئے شناختی کارڈوں کے حصول کو یقینی بنانا بھی سیمینار کا ایک مقصد تھا۔اس تمام عمل میں الیکشن کمیشن آف پاکستان اور نادرا کی مدد سے خواتین کو درپیش مسائل کی نشاندہی او ووٹرز رجسٹریشن اور شناختی کارڈ کے حصول کو آسان اور سہل بنانے کی عملی کوشش کرنا ۔سیمینار سے خطاب کرتے ہوئے ڈاکٹر رقیہ ہاشمی نے اس امر کی ضرورت پر زور دیا کہ خواتین کے حقوق کے حصول کے لیے تمام مکاتب فکر کے لوگوں کو کردار ادا کرنا ہوگا اور کہا کہ حقوق استعمال کرنے کے طریقے آنے چاہیے اور خواتین کی وسائل تک رسائی ضروری ہے ۔ سیمینار سے خطاب کرتے ہوئے عامر علی پروگرام آفیسر عورت فاﺅنڈیشن نے فاﺅنڈیشن کے آغاز ، مقاصد اور مختلف سرگرمیوں پر روشنی ڈالی ۔ ہوم نیٹ پاکستان کی کوارڈینیٹر محترمہ صائمہ ہارون نے عورتوں کے بین الاقوامی دن کا تاریخی پس منظر بیان کرتے ہوئے کہا کہ آٹھ مارچ دنیا بھر میں عورتوں کے اپنے حقوق کے حوالے سے جدوجہد کی علامت ہے اور اسے عورتوں کی عالمی تحریکوں میں ایک اہم مقام حاصل ہے انہوں نے بتایا کہ دوسرے ممالک کی طرح پاکستان میں عالمی دن کی اہمیت کو ابھارنے میں پاکستانی عورتوں کی تحریک نے اہم کردار ادا کیاہے اوریہ سلسلہ آج تک جاری ہے ۔ انہوں نے کہاکہ خواتین کے عالمی دن کے حوالے سے اس سال کا عالمی موضوع ”مرد اور عورت کا عورتوں اور بچیوں پر ہونے والے تشدد کے خلاف متحد ہونا“ ہے ۔ انہوں نے کہا کہ اگر ہم صرف پاکستان پر نظر ڈالیں تو ایک سال (2008ء)میں 7733تشدد کے واقعات رپورٹ ہوئے ہیں جس کی روک تھام کے لیے ہم سب نے اپنی اپنی سطح پر کام کرنا ہے ۔ انہوں نے مزید کہا کہ معاشرے سے معاشی تشدد کو بھی روکنے کے لیے ضروری ہے کہ غیر رسمی شعبے میں خواتین کے کام کا شمار کیا جائے اور غیر رسمی شعبہ میں کام کرنے والی ہوم بیسڈورکرز کو ورکر تسلیم کیا جائے اور ان کے حوالے سے لیبر قوانین میں ترامیم لائی جائیں ،انہیں قانونی معاشی اور سماجی تحفظ فراہم کرنا بہت ضروری ہے اور ساتھ ہی ساتھ ان کے لیے قومی پالیسی تشکیل دینا اور اس پر عملدرآمد کرنا ضروری ہے ۔سیمینار سے خطاب کرتے ہوئے عورت فاﺅنڈیشن کے ریذیڈنٹ ڈائریکٹر محمد ہارون داﺅد نے خواتین ووٹرز کو محترک کرنے کے حوالے سے بتایا کہ جب ہم خواتین کے عالمی دن کی بات کرتے ہیں تو یہ بہت ضروری ہے کہ خواتین سے منسلک تمام سیاسی، معاشی اور سماجی حقوق کا احاطہ کرتے ہوئے ان حقوق کی اہمیت کو اجاگر کریں۔ انہوں نے کہا کہ عورتوں سے ان کے ووٹ کا حق چھیننا سیاسی تشدد کی ایک مورثہ ہے کیونکہ اس طرح ان کی سیاسی عمل میں شرکت ممکن نہیں ہوتی اور اس کا ازالہ اس وقت ممکن ہے جب ہم ملکر خواتین کو ووٹر رجسٹریشن اور شناختی کارڈ بنوانے کے عمل میں نہ صرف انہیں متحرک کریں بلکہ شعور آگاہی بھی فراہم کریں جو کہ ہم سب کا ایک قومی فریضہ ہے ۔ سیمینار سے الیکشن کمیشن آف پاکستان کے نمائندہ شاکر خان نے ووٹرز رجسٹریشن کے حوالہ سے مکمل معلومات فراہم کیں جس میں شرکاءنے دلچسپی لی اور سیمینار میں موجود خواتین کونسلرز اور سیاسی کارکنوں نے اس حوالے سے تجاویز پیش کیں ۔

http://www.dailydunya.com/today/dunya_titles/2.gif