27 نومبر 2010
لندن(نیٹ نیوز)طالبان لیڈر بن کر افغان صدر اور نیٹو کمانڈروں سے امن مذاکرات کرنے والے جعلساز کو برطانیہ کے خفیہ ادارے ایم آئی سکس نے بھاری رقم دی تھی۔ بتایا گیا ہے کہ برطانیہ کی سیکرٹ انٹیلی جنس سروس کے ایجنٹوں نے ملا اختر محمد منصور کو اس برس بھاری رقوم دیں کیونکہ ان کے بقول طالبان اور افغان حکومت میں رابطہ قائم ہو گیا تھا۔ برطانوی اخبار ٹائم کی رپورٹ میں بتایا گیا ہے طالبان حکومت میں وزیر تو کجا یہ شخص ایک چھوٹا دکاندار تھا جو ملا اختر محمد منصوربن کر مذاکرات کرتا رہا۔ برطانوی ایجنٹوں نے اسے کوئٹہ سے کابل پہنچایا اور اس مقصد کے لئے سی 130طیارے کو کئی بار استعمال کیا۔ امریکی اخبار نیویارک ٹائمز نے بھی تصدیق کی ۔ طالبان لیڈر بن کر مذاکرات کرنے والا جعلساز تھا جو افغان حکومت کے ساتھ خفیہ امن مذاکرات کرتا رہا۔ واشنگٹن پوسٹ اخبار نے اپنی روپورٹ میں بتایا یہ شخص کوئٹہ کا ایک معمولی دکاندار تھا۔ پچھلے مہینے نیٹو اور امریکی حلقوں نے اس پر بڑی خوشی کا اظہار کیا تھا کہ طالبان کے ساتھ امن مذاکرات شروع ہو گئے ہیں۔

__________________
جاویداسد