عدنان سمیع خان اور مائیکل جیکسن کا مشترکہ البم؟

پاکستانی نژاد گلوکار عدنان سمیع خان گزشتہ کچھ دنوں سے اپنی ازواجی زندگی کے تنازعوں کی وجہ سے مسلسل بھارتی اخباروں کی سرخیوں میں چھائے ہوئے ہیں۔

ممبئی میں رہائش پذیر عدنان کبھی اپنی دوسری بیوی تو کبھی گھر کےنوکر کی شکایتوں کی وجہ سے بھلے ہی پولیس اسٹیشن اور عدالت کے چکر کاٹ رہے ہوں، پر اُن کی پیشہ ور زندگی کامیابی کی اونچائیوں کو چھو رہی ہے۔ حال ہی میں عدنان نے پاپ گائیکی کے شعبے کے مشہور جیکسن بھائی بہنوں کے ساتھ میوزک البم بنانے کا تاریخی معاہدہ سائن کیا ہے۔

خبروں کے مطابق تین سال قبل پیرس میں عدنان کی ملاقات جرمین جیکسن سے ہوئی تھی۔ وہ عدنان کے کام سے اتنے زیادہ متاثر ہوئے کہ انھوں نے عدنان کے ساتھ مل کر کام کرنے کی پیش کش کرڈالی۔ عدنان کا یہ بین الاقوامی پروجیکٹ عربی اور بھارتی موسیقی اور ٹیکنو ساؤنڈ کا فیوزن ہوگا۔ اس البم کے نغمے خود عدنان لکھ رہے ہیں۔ عدنان کے مطابق انھوں نے جیکسن برادراور جینیٹ جیکسن کے ساتھ البم کے ایک گانے پر کام شروع کردیا ہے۔

مائیکل جیکسن جیسے نامور پاپ گلوکار کے ساتھ کام کرنا 35 سالہ عدنان کے میوزک کیریئر کے لیے بہت بڑی کامیابی کے طور پر دیکھا جار ہا ہے۔

__________________
سمجھو تو بہت قابلِ تعظیم ہے لوگوں
اِک دوست کا اِک دوست سے پیار کا رشتہ
www.tariqraheel.blogspot.com