عراق نے امریکی حکام کے علم میں لائے بغیر سربیا کیساتھ معاہدہ کیا
نیویارک…ایک امریکی اخبار نے دعویٰ کیا ہے کہ عراق نے ملک میں موجود امریکی حکام کے علم میں لائے بغیر سربیا کے ساتھ اسلحے کا معاہدہ کیا ہے ۔ نیویارک ٹائمز کے مطابق عراقی حکومت کو امریکا کی طرف سے ملنے والی امداد سے حکومت نے سربیا کے ساتھ اسلحے کی خریداری کا خفیہ معاہدہ کیا ہے۔اس کی لاگت83 کروڑ30 لاکھ ڈالرز بتائی گئی ہے ۔رپورٹ کے مطابق یہ معاہدہ گذشتہ سال ستمبر میں کیا گیا ہے جس میں امریکی کمانڈرز کے نوٹس میں لائے بغیر عراقی وزیر دفاع عبدالقدیر اور پلاننگ کے وزیر علیGlahil Babanسمیت بائیس اعلیٰ حکام نے مذاکرات کیے۔ اس کے تحت سربیا سے بڑی تعداد میں ہیلے کاپٹر خریدنے کے ساتھ ساتھ طیارے ، مارٹر سسٹم ، مشین گنز ، بکتر بند گاڑیاں ،باڈی آرمر ، ملٹری یونیفار م اور دیگر آلات شامل ہیں ۔

__________________