عرا ق بعقوبہ اور مادی میں بم دھماکے،74 افراد ہلاک ،مر نے والوں میں خواتین اور بچے شامل ہیں
بغداد،بعقوبہ(جنگ نیو) عراق کے مختلف علاقوں میں جھڑپوں،کاربم اور خودکش دھماکے میں74 افراد ہلاک ہوگئے،ہلاک ہونے والوں میں خواتین اور بچے بھی شامل ہیں، مشرقی بغداد میں امریکی فوج اور مہدی ملیشیا میں خونزیرجھڑپیں جاری ہیں جبکہ برطانیہ نے کہا ہے کہ جب تک ملیشیا کی مزاحمت نہیں رکتی عراق سے مزید فوجیوں کو واپس نہیں بلاسکتے ۔تفصیلات کے مطابق بعقوبہ کی مرکزی عدالت کے احاطے میں ایک کاربم دھماکا ہوا جس میں 40 افراد ہلاک اور80 زخمی ہوگئے۔مقامی اسپتال کے ذرائع کے مطابق لائی جانے والی لاشوں میں خواتین اور بچے بھی شامل ہیں۔اسی طرح زخمیوں میں بھی خواتین اور بچے شامل ہیں۔ رمادی شہر میں ایک خودکش بمبار نے ریسٹورنٹ میں داخل ہوکر خود کو دھماکے سے اڑادیا جس میں تیرہ افراد ہلاک اور14 زخمی ہوگئے۔دوسری جانب مشرقی بغداد میں مہدی ملیشیا اور اتحادی فوج میں جھڑپیں جاری ہیں۔جھڑپوں میں 15 سے زائد افراد مارے گئے۔دریں اثناء برطانیہ نے کہا ہے کہ جب تک ملیشیا کی مزاحمت نہیں رکتی عراق سے مزید فوجیوں کو واپس نہیں بلاسکتے ۔برطانوی وزیراعظم گورڈن براؤن نے کہا کہ چار ہزار سے 2500 فوجیوں کی واپسی کا پلان ابھی موخر کردیا گیا ہے۔علاوہ ازیں القاعدہ نے امریکی فوج کے ساتھ کام کرنے والے عراقی باشندوں پر زور دیا ہے کہ وہ امریکی فوجیوں کاساتھ چھوڑ کر امریکا کیخلاف مزاحمت کاروں کی جنگ میں شامل ہوجائیں۔

__________________